Malaysia Laimi Caah Thawngtha: Malaysia Cozah Nih A Tuah Ding Mi A Chin

Malaysia Laimi Caah Thawngtha Ngai A Si

===============================

Malaysia a cozah nih phungning loin aum mi pawl caah phungning in riantuan khawhnak tuah piak a timh cang hna caah Malaysia umki Chimmi caah thawngpang tha ngai pakhat a si ve.

Malaysia cozah nihcun hibantuk kan tuah tikah sunghnak kan hmu lai lo, Amiak tampi kan hmuh lai. Cun phungning tein an ram cio ah tlun khawhnak zong a si chih lai tiah a chim.

A sinain rianharnak ah atuanmi pawl caah tuah piak hmasa an si lai, an Boss te nih an mah le an umnak cio ah a cozah sinah a herh mi pawl an va tuah piak hna lai tiah achim. Covid ruangah Malaysia zong rian loin aummi tampi a si caah Malaysia cozah nih a tha bik lai tiin a tubantuk in a tuah piak mi hna cu Malaysia Chinmi zong rianhar nak ah a tuan mi tampi um a si ve caah Chinmi ca zongah thawngtha ngai a si.

Thawngpanh dang….

Vote kongah Dehhlennak a Um, tiin an Chimmi cu Arizona’s GOP AG nih a Hnonpiak hna i, Arizona ah Biden nih Buan Co dawh in a Chim
======================================================================================

“Arizona ah vote dehhlen a tonnak tehte a um lo. Election a phichuak a thlengkhotu ding thil pakhat hmanh a um lo,” tiin Wednesday ah khan Arizona Attorney General Mark Brnovich (R) nih Fox Business Newwork ah a chim.

Zeiruahah dah cucu a biapit: Biden hi election a teitu a si ko cang, tiin buaktlaak in an chimmi cohlang lo in a khupthal thlen a duh caah, Arizona ah le amah dironh ngam lo dingin a ruahmi swing state pawl ah Trump nih tazacuainak a tuah.

•Tazacuainak an tuahmi nih hin tutan election a phichuak hi a thleng kho ti lai lo nain, hi ti tazacuainak a um ruangah hin, Trump a dirkamhtu hna nih 2020 election a muisam an chiatter khawh ngaingai te lai.

Nihchuak lei a si mi state: Arizona ah hin, Election Day i minung pumpaak bak in an thlaakmi vote pawl Maricopa County nih ningcanglopiin an hnonpiak hna. Cucaah, kan chimmi tehte a um ve caah hihi cu kan phihpiak u law a tha, tiin Trump re-election campaign attorneys nih tazacuainak an tuah.

•An bia ngaihpiak lo dingin election officials nih biaceihzung thawng an hei thanh hna. Zeicahtiah, tawn chommi tehte hi mipi zong nih zei a lawh, ti thei ve tuah hna seh, tiin state biaceihbawi nih Arizona Republic ah thawngthanhnak a tuah.

Zeidah a chim: Buaipimi vote hi a zate ah 200 hrawng lawng a si caah, va hnon hmanh ah khin election a phichuak hi a thleng kho ding a si hlei lo, tiah Fox Business ah Brnovich nih a chim.

•”A tu ah hin, vote rel ding a tangmi hi 50,000 lawng a um cang i, Trump nih Arizona ah buan a co khawhnak dingah cun cu a taangmi lakin 65% hrawng ai tonenh khawh a hau. Cu ti a si caah, Biden nih Arizona ah buan co dawhdang a si,” tiin a chim.

•”Arizona i county election official Democrat pa hi tutan ah a sung cang, a dang Republicans pawl buan an co ko cang caah, timh ciammaam tein dehhlennak a va um ko hmanh ah, a hnursuang kho taktak hna lo, tinak a si. Mipi nih an duhmi an thim, ti vial lawng chim awk a um cang,” tiin a chim.

Thil a fiangpup mi cu: Mipi nih hin Trump an vote lem lo, asinain Republicans cu an vote ngai ko hna hih, tiah Brnovich nih a chim.

Chelsea Bawi

Be the first to comment

Leave a Reply

Your email address will not be published.


*