Salai Semuel Nih Bible Cauk Hi A Pom Duh Lo Ko Rua, A Merh Lengmang Ko

Salai Semuel Nih Bible Cauk Hi A Pom Duh Lo Ko Rua

==================================================

Hiti ka titik ah keimah phuahcop mi siloin niizan ah amah Semuel nih a chim bakmi video kan chiah piak hna. Cucu zeidah a si kan zoh lai,

Debate an i zuam mi Pathian pakhat ah mi pathum an um timi kha Bible cauk hmang in Saya Rual Uk nih a langh ter. Cucu Pa orh-lei kut ah Fapa Jesuh cu thangthat a si i,,, tiin Bible chungbak a rel ko mi cu Salai Semuel  nih Jesuh kha Pathian orhlei ah dir taktak sehlaw Pathian kha Hell ah atla ding a si a tidiam ko.

A tahchunh rihmi cu Nii donghnak nii ah Jesuh nih a ni hna cu a orh lei kam ah a chiah hna lai i a keh lei ah a chiah mi cu Misual lawng an si . Cu caah Pathian Orh lei kam ah Jesuh a um ahcun Jesuh Keh lei ah Pathian kha um ding a si i a keh lei a ummi cu Hell tla ding an si a ti bak ko.

Khua fakpiin a ka ruat ter tuk. Ziah Salai Semuel nih Bible cauk hi a zum duh lo , a pom duh lo ko hita tiah chikkhat ah ka ruat colh ko. Bible ah fiang tein aa tial mi bak kha amah duhnak lei ah a merh ko . UPC Buu cu ka soi bak lo nain hi bantuk phunglam le cawnpiak nak hi Salai Semuel a khrihfabu nih an kalpi mi a si ko bak ahcun Loh bak a si ko tihi ka ruahkhawh mi a si.

Hi zawn kong lawng a si lo, Jesuh vawlei ratthan nak ding kha a mah Jesuh nih hitihin a chim, Ka ratnak ding caan cu Ka Pa lawnglawng nih a hngalh a timi kha Saya Rual Uk nih Salai cu a hal i Jesuh chimmi bak kha a chim duh lo, A nii le caan cu amah cu nawl ngeitu a si tiah a leh diam ko. Ziah Bible hi a pom bak lo maw tihi ruah lo awk a tha bak lo mi a si.

Jesuh ratthan nak dingkong cu Pa lawnglawng nih atheih timihi amahSemuel zong nih a theih tuk ko lai nain a chim duhbak lo tik ah Ziahh amah pumpak nih Bible a pom duh lo maw a si hnga a khrihfabu pawl tah an si cio hnga maw tihi ruahlo awk a tha lo. Cawnpiak tu a si ve tung, mi a cawnpiak tik ah Bible atheilo tu a khrihfabu nih an zumh fawn tung lai i Thlarau tlau zeiti pungsan indah a tleih hnga titiang khi ka ruat ngai.

Kha a si le pumpak kong chimduh mi a silo caah Bible pom duh lo le pom kong kan chimmi a si caah za rihseh law a tang video hi zoh cio ko uh,

Salai Samuel nih a leh nak

Zeiruang ah hikong hi keimah ruahnak ka chap ve, Laimi ciocio , Khrihfa ciocio ah hitluk zumhnak kong le Bible kong a biapit tuk ning , cu lio ah Bible pom duh lomi khrihfabu kan um mihi zeihmanh athei baklo mi members caah a poi taktak mi bak a si. Hi ruang ah Saya Rual Uk zong nih a chim kha, Hibantuk a zum duh lo mi cu Van kai cu chim hlah uh Hell hmanh ah  a linh bik nak an nan tla lai a ti kha,  Buu soi a si hrim lo khah, Hi tluk a biapi ko mi hi kan unau UPC khrihfabu dihlak siseh Buu dang vialte nih kan theih i kan cohlan cio hrimhrim a herh mi bak a si.

Kan peh than te lai.