2020 Myanmar election review tlawmte in ka von thai.

2020 Myanmar election review tlawmte in ka von thai.

# Tunai ah CBN nih CNLD chairman No Than Kap’s speech 🎤 tiah an von taarmi ka zoh i, cu ahcun Pu Than nih “CNLD party a ngeitu cu Chin mizapi ta a si” a ti. CNLD party cu Chin mizapi ta a si tiah an ti ahcun, CNLD hruaitu ahhin Chin Mizapi nih an duh dingmi hruaitu thar an thim a herh tinak a si. A hlun cu mizapi reject mi an si cang caah mu..

# Dr Hmuh Thang cu a pengtlang mizapi nih kan uar ngaimi a si ko nain, Ralkap seats 25 ruang ah USDP in sa lian a bawhnak lam cu, saveh 🐇 hmanh nih an zul ti lo caah, a political career cu a thi cang ti khawh a si.

# Pu David Ngaisak cu Chinmi lak ah paza tiah ruahmi a si. Asinain CNLD an thazaang zeidah a lawh ti hngalh hlan ah direct in Chin State uk dingin 2020 ah ttan a lakpi hna i, amah zong Pyine ah aa cuh caah, Miphun dawtu sinak in tender bawh dirhmun aa thim ah ruah a si caah, a sung tiah ruah khawh a si. Cucaah, a political career ah a tla deuh ngai lai tiah ti khawh a si. 2020 ahhin in Amyotha or Pyithu ahhin rak icuh hmasa sehlaw, 2020 ah CNLD an thazaang dirhmun zoh chih in 2025 lei tu ah Pyine lei hi itimh sehlaw a lam a si hnga tiah ka hmuh. Nain direct Pyine aa timhmi hi a palh ngai tiah ka hmuh.

# Chin Chin Pekthang cu Chinmi lakah Bochanmi kan pale nih “endorsed” an tuah dih. CNF tiang nih indirect in campaign ah an bawmh nain, aa peknak constituency nih an reject thiam. LMC le CBT buainak karlak ah aa tenhmi hi a palh bak tiah ka hmuh. Hmailei a political Career tiang a hnawrsuan men lai tiah ka ruah.

# Vice President HVT cu campaign tuah ah a kalnak khuate ah vok thah in sunhlawih an timh nain a duh lo an ti. Asinain Pu NTK cu campaign tuah ah a kalnak khuate ah an sunhlawihnak le pangpar an awihnak cu Facebook ah a rak chuak lengmang, Asinain election ah Mee a hmu ti lo. A political career a tla ngaingai tinak a si.

# CNLD an sunhnak a ruang pakhat ah aa tel tiah an ruah ciomi pakhat cu, CNLD supporters pawl nih party dang, NLD tbk ttanhtu paoh cu miphun zuar, Kawl ttanh tbk in bia tthalo he an phawmh tuk hna caah, mizapi tampi nih CNLD vote an duh ti lo ti a si. CNLD hruaitu pawl an resign lawng a za lai lo. Supporter lakah biathalo chim a hmanhmi zong an resign chih a herh lai tinak a si. 🙂 LoL 😝

# NLD pawl hi primary/candidate iphawt zamnak kong hi review/reform an tuah a herh. Candidate an icuh lio ah a cheu cu tender an zuar tiah ka theih. Anmah EC lakah politics an ituah ning hi a thurhnawm ngaingai in an chim. 2020 ah teinak an hmuh zong hi anmah candidate uar ruang siloin, Pu HVT le Pi Su ruang te ahhin a si. Cucaah, Chin NLD party hi Chin ram aa dawmi party an si ahcun, Mizapi nih an duhmi/uarmi candidate an chuah khawh nakhnga, Candidate i thimnak system hi review/reform an tuah hrim a herh tiah ka hmuh.

# CNLD nih an sunghnak a ruang tiah ka hmuhmi cu: 1# Freedom fighter Pi Su le NLD pi hi an doh. 2# Chin pyine/ Chin State Uk an itimh i, aa pehtlaih lomi Federal le Miphun Covo lak kong an chim. 3# Nationalism biafang hmang in, Racism thlaici an tuh. Racial card/ miphun thleidannak hi hriamnam ah an hman. 4# An party leaders pawl an uar hna lo.

Note: Chim ding ka ngei ngai nain, hi vial si rih seh law! 🙂

Zasang Cinzah

Be the first to comment

Leave a Reply

Your email address will not be published.


*