Hibantuk pa hi dakaw pasaltha an timi a si cuh

Tlangval lioah pacak kha pasal kan ti thlu kho hna lo. Muidawh zong pasaltha kan ti dih kho hna lo. Amah le a rian a thei lomi pa paohpaoh hna cu zeitikhmanh ah pasaltha ti khawh an si lo. Nupi le chumhcia ei zungzal cu chungkhar ah pasaltha pabik tiawk an tha hnga maw. Mah zong nih nupi le caah a tawkzia theihthiam kan herh ve lo maw.

Nupi le an zawt caan ah an pawng teah um hi nupi le nih an duh bikmi a si. Na nupi damloin a um caan ah khan a pawng te ah um law a kutza kha tlai tuah. Zeitlukin dah na nupi caah thazaang a si i hnangamnak zong a si kha na hngalh hrimhrim lai. Na nupi cu a kungdongh a thinhun seh ti in zeitikhmanh ah va tuah hram hlah.

Hi vialte hna hi kan rak theih cangmi thil an si ko nain kan zulh kho lo i kan tuah khawh lo a si cang ahcun zeihmanh lo ah a hung i cang men ko lo hme maw. Mihmaiah ka nupi ka dawt na ti lio ah khan na lungthin takin teh a si tak hnga maw ti kha nangmah tein vaa chek than tuah.

Chungkhar pabik na si kha hopaoh nih theihcio na si nain keimah nakin ka nupi nih rian a tuan deuh i inn rian zong a tlinh deuh ruangah a thabaa deuh ti kha na theih i na hngalh zungzal ko a si ahcun na siarem lai lo i na nupi rian cu na bawmh lai. A chambau nak ah na ttanpi lai tikah chungkhar ah pasal thabik na si lai i na nupi na fa le hna caah zohchunawk a tlakmi pasal le hringtupa patha cu na si khawh lai.