AA A Doh Tu Ding Chin Ralkap Thar Dirh A Herh Rih Lonak Kong Tial Mi

Ralkap💚 thar dirh a cu rih lo💋❤
“‘”‘”‘”‘”‘”‘”‘”‘”‘”‘”‘”‘”‘”‘”‘”‘”‘”‘”‘”‘”‘”‘”‘”‘”‘”‘
Prophet bantuk ka sinak in Kei ka thawngțha cu Laimi nih Ralkap thar dirh rih hrim hlah u ti a si. Fak deuh in kan mualpho ta rih seh. Ral kut in Laimi a thimi tam deuh ta sih. Paletwa hna van kan chut lawlaw hna seh, Paletwa ah Ralkap nih Pyituhsit ser piak an timh mi hna kha hun ser piak lawlaw ta hna seh.

Khumi pawl kha chaklei Laimi cung ah an lung dong ta seh. Kan lungpel hmanh in kan ruah bal lomi tete a dang tampi ing ta rih u sih. Kan Pale an fim tuk kan timi kha a țhathnem le hnem lo mihrut hmanh nih fiang lawlaw ta hna seh. Falam lei kan unau hna nih dirh hmasat ta hna seh.

Hakha cu Falam lei tuahmi hmuh hnu lawng ah bia tak deuh in an mah nak țha zuam a hmangmi kan si. Zomi pawl nih Chinram chung ah an army fak deuh in cawlcanghter ta hna seh. A tu ah ralkap thar dirh a duh mi pawl zong dai tein um rih ko u. Mah le Pawcawmnak cio kawl rih ko uh. Kan pale pawl hi an tar ngai ngai cang hna i, zungzal cu an kan nun piak ding a si lem lai lo i, lungdai tein kan liam tak ta hna seh.

Arakan te hna an țhawng kan tinak cu, AA hlan ah khan pei an pale lutlai tampi an thih cang cu. Kan pale tam deuh cu Kum sawm ruk cung lei lawng te an si ko i, kum tam pi hngah a herh ti lai lo. Nan lungsau deuh rih ko seh. Cu tikahcun Ralkap thar dirh hmanh a hau te lai lo “men ah”. Tar thih in lungdai tein kan pale nih kan liam tak rih ta hna seh. An nun chungte tal hi cu ruahchannak sang bik he cuan zungzal ko hna u sih. Zapei bengh piak ko hna u sih. Țial Uk hla kha ka ngai e “Kum Sawm sa rih” timi te kha. A sau deuh sual nan ti maw? “Kum aw liam zau law” timi zong um ko khah. 😂😂😂.

Example kan pek hna. CNA/F ah bo hnih in a cung lei vialte khi ni-ni khat te ah hei kan liam tak taktaktak hna seh law, chim chiat lo tein mu: kan ngaih chia tuk lai e ka celh lo. Nain A tu CNA bo hnih hrawng pawl zei i nan rel lomi hna khi Van Arfi lawng te ah an i chuah lai. A thar dirh hrim a herh hnga lo. AA hrim hrim cu awn ngam loin an tuah dih hna lai. A dang pakhat example cu: a tu kan pale nih khin liamtak lem loin an kum khua bak khi kum 32 ah zuh dih siseh law, CNF an rak dirh lio rual hrawng kha mu, an mak tuk lai ning cu Cakei an si lai.

Micheu nih cun an rak no lio zong ah an mak lo hme kha nan ti lai nain kha lio le a tu lio cu aa lolo. Kha lio ahcun meithal cu chim lo a kuan hmanh zalh a rak har tuk. Kha lio ahcun AA le bang cu um hmanh an um rih lo. Nain a tu chan ah zenkuan cu hman cawk loin cawk awk a um cang si. Nain zei si paoh ah an kum cu no ter awk țha țung lo i, Țial Uk Hla Kum 70 ngai bu tein hngak rih ko hna u sih. A thar dirh hrim nan lungpel zong ah ruat rih hlah uh. Mah le Pawcawmnak cio kawl rih u law, a cung bia pawl tling deuh rih hna seh.

Siang Bawi tialmi lak chin mi a si.