Chin Miphun Cungah Nuhrin Covo Kan Buar Lo Tiah AA Nih An I Pheh

Chin Miphun Cungah Nuhrin Covo Kan Buar Lo Tiah AA Nih An I Pheh

===================================

Rakhiang Miphun caah hriamtlai a simi AA nih Chinmi cu an kan thah i an ian tleih i an kan hrem len nain CHIN mi cungah Nuhrin covo kan buar nak aumlo tiah AA nih an i pheh bak ko.

AA ralkap nih Khuate pakhat ah a ummi Chinnu cu tleihhrem ding ai zuam cuahmah i khuami nih an kham khen caah AA nih pa pawl cu an tleih hna i ramlakah an kalpi hna niitlang lakah an pho hna. Porter an phorh ter hna ti bantuk hna KACC nih january 10 ah cathanh a chuah.

Mah thawngpang cu kan ralkap pawl kan va hlathlai ter tikah a rak silo, a diklo mi an kan puh menmen mi a si. Anmah Chin mi sin zongah kan va hal ko hna nain cubantuk cu a um lo, KACC nih AA pawl kha thangchiat hramhram an duh caah a si tiah AA biachimnak nawl angeitu Khanig Tuhkhah nih a chim tiin RFA nih a tial.

Nu an tleihhrem timh timi zongah a silo, A pa kha kan ralkap nih thawngpang an kan pek i kan vakal hnawh tikah a rak um lo i a fanu kha kan tleih chung bia a si. Cu lioah khuami cheukhat cu tukvelh a um pah caah rak tuah tilo dingin kan va chimh ko hna tiah a chim.

An kalpi mi hi hringtu anu le a si i tleihrem taktak aum lo nain an tlerhkhawn hna tiah KACC nihcun a chim. AA nihcun Siangin cachim saya pa le a dang minung pahnih an thih ruangag hi kong zong hi an kan puh sawhsawh bia asi tiah an i pheh menmen ko.