Chizawh Le Salai Lungthlitum Cu Tahchunh An Si

John Lungthli Tum Hi Cakei Ah Ka Rak Ruah. Cakei A Rak Si lo Chizawh Pei Arak Si Ko Hi
=================================

John Tum hi pumpak in doh ka tim bal lo. Amah balte atucu MLA candidate ah i cuh dingin a lut ve cang caah a kong kan chimrel zongah a phung asi ve cang ko. Party ngei sehlaw a party in soi awk asinain party ngeilo pumpak in zuam aa timh caah pumpak in kan uar lonak cu chim a hau ve ko. Amah zong nih duhtawk tein CNLD party le luban hna cu a uar lonak kongah a soi a doh ve hna ko caah Candidate pakhat asi cang i, kan duh lonak le kan uar lonak cu kan chim ve ko lai.
John LT Tum hi Cakei bantuk paraltha ah ka rak ruah nain a taktak ahcun Chizawh a rak si deuh.
Ka uar lonak kong a tawinak in ka langhtter lai.

Catial tu Jacob r.thang

(1) Vawleipi theih awk in a fimcawnnak papers/documents dihlak public media ah aa phozar. Tanghra a aung nak lehhmat dah tilo India i B.Sc a laknak, IELTS a awnnak, MBA a awnnak tbt cu Zapi nih ka thei hna seh ti asi ko rua, aa phozar viar. Keimah caahcun MBA cu kan awn kho lonain Khuapi khuate um kan Laimi chungah MBA a hmu micu thah cok loin an um cang. Vawlei cungah mah le mah aa phozarmi hi ka thei bal hna lo. John Tum lawng hi asi ko rua.

(2) Mi a bawmhmi Phaisa zet aa phozar. Ting 1000 ka bawmh hna tiah ahohmanh nih hal loin a mah le amah aa cawngia. Mi ka bawmhmi hna timi list zoh tikah hringtu a pa zong Mi ah a chiah. Zeipoh avasiah phaisa bawnh cu a tha tukmi asi ko. Amah belte ka bawmhnak hi an thei sual lai lo ti i mipi sin ah phozar cu Cakei siloin Chizawh lungput asi. Kan hoi Cakei pawl cu mi an bawmi hna hi an min hmanh an langhter duh lo. Keimah nih ka theih bakmi aum ve. Thantlang peng Cakei pakhat cu Halkha puicimh lio ah khan Ting 1000 a bawmh hna. A min langhter a duhlo caah Kawl mirum pa min in a hlut hna. Yangon ……..Bu motor a cawnpiak hna nain a min langhter a duh lo.
Cung Hu Blood ah khin thil pipa a bawmtu hna nih khin an min langhter an duh lem lo. A mah Pu Cung Hu hmanh nih a theihlo mi bawmtu an tam tuk (Pu Cung Hu khi va hal u). Cu vialte Cakei hna lakah John Tum cu Chizawh cha in a bawmhmi hna aa porhlaw hi cu ram hruaitu ding ahcun aa tlak lo hrimhrim in ka hmuh.

(3) John Tum hi aa leksuai tuk. Upa tiloin a bia aa sum lo. Halkha khuathar khuabawi Pu Ram Lian cu Ralhmung certual kongah Chinland Post nih interview an tuah. Halkha Upa pawl cu “Uico bantukin bo lengmang awk nan si lo” thei uh tiah Uico he a tahchunh hna. Upa pawl Uico he tahchunh cu mi ninghngal taktak asi ti a fiang. (Dec 11, 2019 amah Fb post kha zoh ulaw nan hmuh lai). Cun Halkha khua inn an hrawh lio ah
“Haukkau le Mifir an tah/aihram caan a phan” tiah Aug 4, 2019 ni ah diriam ngai in a post. Sifak caah zawnruahnak a ngeilo ticu 100% in a fiang.. A fimcem a thiam cem a rumcem ka si tiphun in aum. Amah caah thiltha chuaklo ding le thangthat co loding asiahcun thiltha zeihmanh tuahding minung asi lo.

(4) Party ngeilo ahcun pumpak in zeihmanh tuah khawhnak a umlomi TT Pyine Palai (MLA) kaa cuh lai ati hoi. Cakei asiahcun Myone aiawhtu Pyithu (MP) ah aa cuh awk asi. Salai DoKhar tluk hmanh in a raltha lo. Pyine (MLA) icuh cu ralchiat bia asi ko.. cucahcun Cakei a rak si lo, Chizawh a rak si deuh. Teinak zong khi hei hmu sehlaw Party ngeilomi Pumpak tham cu Chimbuh cha in hlutdaw ah a mah pi lawng umhar in a thu ko lai. Daw ASSK hrimhrim nih pei MLA pumpak cuh pawl cu mee pe hna hlah uh a rak ti cang kha.

(5) John Tum nih teinak a hmuh lai zong ka zum lo. Pi NSL le Dr. Hmuh Thang Mee cheutu menmen asi te lai. NSL sunghter duh i Saya Rungkaw teinak hmuhnak ding caah aa cuh sawsawh asi ko tiin ka ruah. Pu Rungkaw nih tei dih hna seh!!!!

#Mi kan rak soi lio ahcun kan diriam bantukin mi nih an kan soisel tikah ruahzia thiam ve a hau…cucu ramkhel phung asi ko…..a herh ahcun ka bet rih lai……….

Jacob R Thang

Ka Party Min Ah “CHIN” Ka Telh Ve Lai (By Salai Lung Thli Tum)
===============================
Amah tial ning tein>>>
[CNLD bantuk in thutnak ngah duh ah miphun min zuar kaa tim bak lo. Ka party ah Chin ka telh(te lai) ruang ah vote pek ding ka si lai lo, ka tuahsernak tuanbia le miphun ka dawt le dawt lo ruang deuh ah vote pek or pek lo ding a si lai.]Relchap>>

Ka Party Min Ah “CHIN” Ka Telh Ve Lai (By Salai Lung Thli Tum)

Be the first to comment

Leave a Reply

Your email address will not be published.


*