CNLD An Buai Len Lioah Salai Lung Thli Tum Cu Mi Harsa A Bawmh Cuahmah Ve Hna E

CNLD An Buai Cuahmah Lioah Salai Lung Thli Tum Cu Mi Harsa A Bawmh Cuahmah Hna

=================================

Miphun party kan timi CNLD Bahu le Thantlang CNLD an buai cuahmah lioah NLD a tanh bak tu, Salai Lung Thli Tum cu khuate kip ah mi harsa bawmh ah anun caan ahmang ve.

Salai Lung Thli Tum nih amah phaisa bak in Hakha le Thantlang peng kip i mi harsa pah bawmh atimh hna i a bawmh cuahmah cang hna. Amah nih hitihin a tial>>>

Laitlang khuate ah rian zong a tuan kho ti lo i cawmtu fale zong a ngei lomi harsa taktak an tam tuk. Tampi cu khuami nih zohkhenh hna hlah sehlaw ei awk rawl hmanh a ngei lomi an tam lai, zoh ah zaangfak tuk an si hna.

 

Kan pekmi hna lakah a vansang tukmi zong an um i mah bantuk hi cu thla 3 dan voikhat tibantuk bawmhnak pek than khawh zong kai zuam lai, dam tein ka um ko ahcun.

Hakha peng ah a harsa ngaimi chungkhar 144 cu 20,000 cio bawmhnak kan pek khawh cang hna. Senthang nichuah lei, Zokhua peng le Mie peng cu kan pek dih cang, ting 29 a dih. Tuzarh chung ah Senthang nitlak lei kal rih ding a si.

Ka hawile Bawi Bik Thawng le PaTum Vawngtu nih nili le zaanli riah in khuate vialte an kal hnawh hna i an va pek hna hi a si. An cung ah lawmh lo awk a tha lo. Fur lio a si caah lam a chia i an tha a ba tuk ko lai. Nain, harsami lung an lawmhter caah an thabat man a sunglawi khun ka ti.

Thantlang peng lei zong zarhkhat riah in kal rih ding a si. Hakha peng nakin khuate a tam deuh caah a rau deuh lai, ka hawile zong an rethei deuh te lai.

Salai Lung Thli Tum caah lawmhnak bia chim cio uh.

Be the first to comment

Leave a Reply

Your email address will not be published.


*