CNLD Cu Pathian Sinah Thla A Cam Hmasa ,NLD He An I Dang Bak Ko

CNLD Cu Pathian Sinah Thla A Cam Hmasa

===============================

Chin Miphun nih kan i ngeih mi CNLD cu Chinmi le Pathian duh zawng tein rian a thok ko cang. CNLD soisel tu NLD tanh tu le Salai Lung Thli Tum tanh tu caah an thin akhenh ngai men lai.

CNLD cu Khrihfa 100% an umnak a si bantukin 2020 thimnak ah mipi sinah lemasinak tuah an thok bakin a nungmi Pathian sinah bawmh an hal hmasa i lawmhnak bia an chim hmasa. Pathian nih kan ram hi thlachuah ko seh an ti colh.

CNLD cu a tu hi Chin mipi nih an dirpi tuk cio cang caah Chin ram ahcun CNLD nih teinak a hmuh hrim lai tiah ruah a si cang. NLD tanh tu micheu nihcun CNLD sungh ding an i zuam len nain a ngah ti rua lailo, NLD tanh tu micheu pawl cu an chung le NLD upa an sinruang men ah a si tiah amah Lungthlitum zong nih a chim.

CNLD cu Miphun covo lak than dingah hmai a nor tu an si i Chin miphun kan tling bik caah zei Chin poah nih dirpi a si cang. Salai Lungthlitum zong nih a doh hnik nain a doh khawh tilo caah NLD tu doh hram ai thok lio a si. 2020 thimnak caah mipi sinah an duhmi an chim cio i,CNLD lawng hi an policy kong a chim mi an si. NLD le CNPle party dang nihun CNLD thatlonak chim in vote an kawl.

Campaign Thoknak Caah Thlacamnak le Thluachuah Halnak
++++++++++++++
Thlacam piaktu : Rev. Dr. Za That (General Secretary, CACC)
Nicaan : 2020 September 10, zinglei sml 8: 30
A hmun : CNLD Party Zung, Hakha

“Zohhmanh nihin ah hin nangmah cu miphun hna cung le pennak hna cung ah, phawi awk le ṭheh awk ah, hrawh awk le phun awk ah kan chiah cang” – Jeremiah 1 : 10

“A bia kan theih paoh ahcun a za, tiah nanmah le nanmah kha i hleng len hlah uh. A bia cu a tuah tu in tuah deuh uh” – Jeim 1: 22

Chin National League for Democracy, Hakha Peng nih “Thimfung Lemsoinak (Campaign) Thoknak Caah Thluachuah Halnak le Apnak” kan tuah. Thimnak Commission nih 2020 September 8 in 2020 November 6 tiang Campaign caan a onh bantuk in phungning in Campaign thoknak caah thluachuah halnak le apnak kan tuah mi hi a si.

CACC GS in Rev. Dr. Za That nih 2020 September 10, zinglei sml 8: 30 ah Candidate hna caah siseh, Party caah siseh, CNLD mino caah Thluachuah Halnak le Apnak a kan tuahpiak cang. September 10 thok in CNLD Party, Hakha Peng cu Campaign kan thok cang tiah thawng kan in thanh hna.

CNLD Party, Hakha Peng nih khua kan khanning hi Hakha Peng in khuakip ummi CNLD chungtel hna sawm in minung 500 i tel in thlacamnak le thluachuah halnak tuah kan timh. Asinain Covid-19 ralrinnak a chuah ṭhan caah abi te in Pathian sin Thluachuah Halnak le Apnak kan tuah hi a si.

Thluachuah halpiaknak le apnak a kan ngeihpiaktu CACC GS Rev. Dr. Za That cung ah lunglawmhnak tampi kan ngei.

“MIPHUN COVO LAAK THAN DING AH” Chin ram le Chin miphun a dawtu dihlak nih CNLD thimfung nan kan thlak cio naklai upatnak le toidornak he kan in sawm hna.

Pathian nih Chin ram le Chin miphun dihlak thluachuah kan pe ko seh.

Upatnak he,
CNLD Party, Hakha Peng.

Be the first to comment

Leave a Reply

Your email address will not be published.


*