CYOM kan dirhnak kum khat a tling cang, kum khat chung kan cawlcanghnak

CYOM kan dirhnak kum khat a tling cang, kum khat chung kan cawlcanghnak
___________________________________________

Malaysia ah a ummi Chin mino bu Chin Youth Organization Malaysia ( CYOM ) cu June 25, 2018 ah rak dirh a si i kum khat chung kan kal ve cang. Harnak tampi lak ah Pathian lamhruainak thawng in kum khat cu kan kal kho ve. Hmailei zong ah tunak thawng deuh in kan kal rih lai tiah timhtuahnak ngan pi kan ngei.

CYOM nih kanmah le kan ti khawh tawk tein kum khat chung ah thil kan tuah khawhmi tlawmpal in ka hun langhter lai.

1. CYOM Miss zuamnak kan tuah.
2. CYOM concert / show kan tuah.
3. CYOM cup 2018 le 2019 ah ( voihnih ) kan tuah.
4. Global CYO meeting kan tuah.
5. Biaknak fellowship he Pathian thangthat tinak in hawikomhnak kan tuah khawh. ( Fellowship tampi kan leng cang i len ding fellowship tampi an um rih).

CYOM cu Malaysia ah a ummi mizaw dam lo bawmtu ngei lo hartong mi hna bawmhnak petu le Malaysia um Chin mino hna a lamkip in thanchonak caah tiin dirhmi a si bantuk in kum khat kan kalnak chung ah vawlei cung ummi Chin miphun hna thazang peknak thawng in minung 10 mizaw damlo harnak tongmi kan bawmh khawh hna.

Kum khat chung ah CYOM nih mizaw minung 10 kan bawmh khawh mi hna cu:
1. Lal Mawi
2. Joel Bawi Hup Ceu
3. Tial Tang
4. Pu Cung Thawng
5. Pu Hram Thawng
6. Syamah Mary Biak Hniang
7. Pi Sui Ngun Sung
8. Iang Hnem Pa
9. Pu Chan Uk
10. ICH hna an si.

Kum khat chung CYOM kan kalnak ahhin mizaw bawmtu ngei lo hartong tampi an um ko nain kan duh ning tluk in tangka kan ngeih lo caah kan bawm kho hna lo.

Kum khat chung CYOM a kalnak ah thazang a kan petu vawlei cung hmunkip le ramkip ah a ummi Chin miphun nan dihlak cung ah kan i lawm tuk. Hmai lei zong ah thazang kan pe rih ko uh ti zong kan in nawl hna.

A bikin CYOM a kan dirkamh tu Malaysia um community le Fellowship, pengtlang nan dihlak cungah lunglawmhnak tampi kan ngei. Hmai lei zong ah tu bantuk in nan kan dirkamhnak lai zong zangfak kan in nawl hna.

Malaysia ah a ummi zawtfah damlo ruangah sizung thlopbulnak a ngei lomi nan um ahcun zeitik can poh ah CYOM sinah thawngthanh i bawmhnak hal khawh a si. CYOM nih kan ti khawh tawk in kan in bawmh hna lai. Nan pawngkam ah mizaw dam lo bawmtu ngei lo harnak a tongmi an um sual ahcun CYOM upa te sinah thawngthanh rak kan zuam uh ti zong zangfah kan in nawl fawn hna.

CYOM thazang a petu le a dirkamh tu mipi nan dihlak Pathian nih thluachuah in pe cio ko hna seh.

Pehtlaihnak:
Ph: 011 2678 9066 ( President )
Ph: 010 4389 223 ( Secretary )
Ph: 010 569 7881 ( Media )
Ph: 011 6181 1950 ( Hanah Sui )

Chin Youth Organization Malaysia