Election Lai Teah Hi Zatzat Mi Bawmh Hi Tiin Mi Tampi An Lung A Hring

Election Lai Teah Hi Zat Phaisa Tampi Mi Bawmh Cu Tiin Mi Tampi An Lung A Hring

==================================

Salai Lung Thli Tum nih Election anaih tuk lio caan thengte ah Sifak bawmhnak in phaisa ting zakhat leng ahman mi cu mi tampi an lung ahring ko tiah Hakha khua um pakhat sinah theih a si.

Siang Hram Pa nihcun hitihin a chim.” Salai LungnThli Tum thil tuah mi hi kam khat lei lawngun zoh piak ahcun thil dawh taktak a si. A tha lawlaw. A sinain Politic ai tel lo tiah chim khawh a silo, Ai tel hrim ti hmanh chim a fawi deuh, Salai Lung Thli Tum nih CNLD pawl cu a soisel hmasa cang hna kha mu, Salai Ceu Bik Thawng zong a bianeng in a thlak hmasa. Zozam le No Than Kap cu an zo zarang alangh dih hna. Cu tikah mipi nih CNLD an dirpi mi a lang tuk tikah a tuhi phu dang tein phaisa in alem cang hna ti khawh a si ” tiah a chim.

A peh rih mi cu” Hi zat a tammi Phaisa hi amah Salai Lung Thli Tum phaisa siloin a pu le phaisa hmanh a si ko fawh eh” . Mipi lemsoi nak ding ahcun a phunphun in dakaw an i zuam . Ram dang ahcun Million tampi dih hmanh an ngamh si. tiah a chim fawn.

Salai Lung Thli Tum nih mi harsa bawmh nak kong ahcun politics ai tel bak lo tiah a chim ve. Nang zeitin na ruah ve comment…

Salai Lung Thli Tum tial mi….

Khuate bawmhnak pek hram kan thawk cang
=================================
Miharsa bawmhnak cu ka naule nih tuni an pek thawk cang hna. Hniarlawn, Naabual, Phai, Hranhring, Hairawn le Tiphul (dihlak khua 6) hi tuni an kal khawhnak khua an si. Ks.20,000 cio chungkhar 18 kan pek hna i Ks.360,000 a dih. Fur lio a si caah khuate kal hi a har pah, khuate vialte kal dih cu thla khat deng kan rau te lai.

Tutan bawmhnak kan pek hi politics he aa pehtlaih bak lo, NLD caah campaign tuah piak zong a si hrimhrim lo. Harsa deuhmi zawnruahnak lungthin thiang in bawmhmi a si. A ka dohtu cheukhat nih phundang deuh in nan mermi ka hmuh ah khin ka lungtha lo ngaingai.

Kai ralring ve caah khuate ka kaltermi hna hi ka naule lakah Chin party a tanhmi pahnih an si. An kalnak ah party le politics kong pakhat hmanh chimrel lo ding bia ka cah hna.

Be the first to comment

Leave a Reply

Your email address will not be published.


*