John Fready Nih Saya Rual Uk A Phomh Ve Nain A Chei Naisai Lo

Mi pakhat, Dr.Rual uk nih , Mi pathum Pathian ah an umko timi fianter nak ah a hmanmi Bible cacang hna kha!
======================================


By-John Fready
Dr. Rualuk cu kan mah DAWN khua chuak ka Pa tthi tluk deng a si. Dawn khua in Pathian rianthiang a ttuantu mi tampi hna lak ah Pa can cang.Lai ram pumpi tiangin Cawnpiaktu mi hmasa le Pa can cang Upat mi le ttih zah mi pakhat a si.
A cawnpiaknak;
Tutan Pathian pakhat ah Mi pathum ( 3 ) bak te an um tti ko.
caan caankhat te hmun hmunkhat te ah an lang tti ko hna timi cawnpiaknak cu Lai ram ah Bible dang rak um ti hlah sehlaw, a mah lawng nih Bible i tlaih seh law cu, a mah bia bang kan Lo lai, khrihfabu pakhat sawhsawh siloin LAIRAM Khrihfa kan Lo tak tak hnga!
A kan Cawnpiakmi Bible Cathiang chung Bible cacang hna zoh thannak caah Bible Cathiang lila hi!

Jhn 7:24 A langh ning lawngin tuaktaan hlah u law, ding tetu in ta bia cu nan khiah.

Trinity = 3 komh Pathian a zumtu hna lakah, Mi, cheukhat nih Oneness diriamh duh ah Bible Cathiang nih Pathian cu pakhat lawnglawng a si. a timi ah hin Mi or Minung pathum nih Pathian rian an ttuantti ko hna rua an ti peng caah, cu ruahnak lungput he cun Bible a langh ning in Pathian kong an tuak taan i, hi tihin ;

1. Gen 1:1 A hramthok ah Pathian nih Van le Vawlei kha a ser.

mah ka’zawn i Pathian timi hi Hebru holh ELOHIM hman a si i, mah ELOHIM hi pakhatnak tam chimnak a si caah Mi or Minung pathum hi Pathian pakhat ah an rak um tti hrim hrim cang ko tinak si. an ti.

EL timi hi ” Thawnnak”, timaw, “A Thawngmi.” tinak maw siko.
ELOHIM ti ruang ah, A thawngmi HNA tinak ah an mah Hebru miphun nih cun an rak ruatin bia chimnak ah an rak hmang bal lo. cu caah,

Gen 1:1 nak ah Van le Vawlei kha a ser. timi ah hin.

Pathian pakhat i Mi or Minung pathum an um tti cang hna caah Van le Vawlei sernak ah hin an rak ser tti hna maw. sernak ah an rak i bawm hna tinak a si.an timi cu,
Bible Cathiang ah cun,

Isa 44:24 Kei mah cu BAWIPA ( JEHOVAH ) nan mah an sertu hna le an khamhtu hna ka si. Kei mah cu zeizong vialte a sertu BAWIPA ( JEHOVAH ) ka si.Kei mah lawnglawng nih Van ka samh.Vawlei ka rak ser ah khan a HO hmanh nih an ka bawm lo.
kan ram khrihfa zumtu hna lak ah Van le Vawlei a sertu hi Mi or Minung 3 aa bawmmi Pathian bak a rak si tiin a zummi (Church ) khrihfabuu kan um bal lo. a sullam cu, cu bantuk Bible cawnpiaknak ( Doctrine ) in khrihfabuu a dirmi kan um bal lo. Trinity or Oneness ( church ) khrihfabuu lenglei cawnpiaknak tu si dawh a si. ( Church= khrihfabu ngeilo Free Evangilis Cawnpiaknak. catialtu hmuh ning)

MINUNG sernak kong ah=
Gen 1:26 Cun Pathian nih cun a tucu Minung KAN ser cang hna lai, KAN mah mui an keng lai i, KAN mah he KAN i lo lai.

Sertu Pathian nih KAN a ti lengmang caah Pathian pakhat i Mi or Minung pathum an si zia kha aa fiang ko an ti .
KAN. pakhatnak i tam chimnak ah hmanmi KAN ticu pakhum chimnak bak a siko. ti ruah peng hi Bible Cathiang Cawnpiaknak lampialpi nak ding bia kawl he aa khatmi si. a sullam cu an mah ruahnak ah kan Pathian cu 3 komh Pathian a si hrimhrim ko ti lungput a um cang caah cu lungput le ruahnak he Bible Cathiang an rel tikah a si ko rua, Bible Cathiang nih a ti ko rua, an ti pengnak a si. KAN ticu pakhat nak tam i a umtti mi hna lak i mi pakhat nih bia va chimnak holh tu khi a si deuh.( kan mah le kan mah si loin, mi dang sinah.; mah te lawng um i KAN KAN a ti lengmang mi cu biak cu chim lo, kal tak ding an si. an pawng um a him tilo.)

Minung Sertu hi 3 komh Pathian hna cu maw an rak si ko?

Gen 1:27 Cuticun Pathian nih Minung cu A mah mui loin A ser, Minung cu Pathian mui in A ser hna.
3 komh Pathian nih minung hi rak ser seh law cu hi tihin tial a rak si hnga.
Pathian nih minung cu AN mah mui kengin a ser. minung cu Pathian mui in AN ser hna. tiin. tial ding a si hnga.

Salm 100:3 BAWIPA cu Pathian a si kha zeitikhmanh ah philh hlah u! A Kan sertu cu ( AN mah siloin ) Amah a si.

Isa 62:5 Tlangval nih ngaknu a tthit bantuk in nang mah an sertu nih an tthit lai. Tlangval cu a mo cung ah a lung aa lawmh bantukin na Pathian cu na cung ah aa lawm lai.

Minung kan cung i aa lawm dingmi Pathian hi 3 an silo, pakhat lung ton hmanh har na lak ah Mi pathum lung ton i lung lawmh ter timh hi cu, Nawlbia le Nawlpek mi cung ah Pathian, Thisen in akan tlanhtu le Thawngtha in akan khamhtu Khrih, thlarau in nifate a kan umpi tu Thiang Thlarau hna hi a dang cio i lung ton ding si hna seh law, Lai ram zumtu nihin kan lungput hi a chuak than lengmang ko hnga,
Jesuh khrih lawnglawng in Pathian hi zumh khawh a si i.( Jhn 14:1 12:44 )a mah sinin ti dah lo cun hohmanh Pa sin phak khawh a si lo i, ( Jhn 14:6 ) a mah min chim lawnglawng in Pathian hi thangthat khawh a si i.( Heb 13:15 )

Van le Vawlei a sertu Pathian hi Minung sertu Pathian kha a si i, hohmanh nih sernak kong ah tlangtlaktu le rian bawmtu a ngei lo. ruahnak cheuh a herh lo i, lung rual pitu zong a herh fawnlo. a sermi thil vialte cu a zoh i zei dah an lawh tiah Mi 2 dang a chawn hna lo. sermi thil cu a zoh i tha AN ti. ti zong a um fawnlo. a sermi cu a zoh hna tik ah sertu Pathian nih cun tha a ti. Amen.
Sertu pathum ( 3 ) kan bia lo. Sertu pakhat ( 1 )lawnglawng kan biakmi le kan zumhmi Pathian a siko.

Cahlun an chimm in Cathar tiang kha, BAIBAL CATHIANG lila in zoh than le fianter kaa zuammi a si. peh than lengmang te ding