Kan nau pa (Aa Kha) velh a tawng, Hawi Le Hna Thlacam Ka Bawm Ve Uh

Kan nau pa (Aa Kha) velh a tawng
======================
Nizan (September 3, 2020) niah ka nau pa cu Hnaring in Himual jeep in Hakha lei an i thawh. Sentung le Tisen B kar Palang va ah an hmai kalmi an hawipa ti aa kholh lio ah an hngak i motor chungah an thu ko. Culio ah tlangval pakua an rak phan i na ngamh maw kan i vua lai tiah an rak ti len.

Kanmah cu cubantuk vuak hmangmi kan si lo tiah a va leh hna. Mah hnu cun an ithawh than i Tisen B pawngah an motor cu a rawk. Mah lio ah Hakha lei in a rami motor a rak phan i motor thilri lak dingah Hnaring lei a kalmi motor cu a zulh hna. An kal i Sentung lampial an phak ah motor cuangmi hna zun zun dingin an dir. Mah lampial ahcun kuak le tuktak an zuarnak a um rua. Tlangval hna cu mah ka cu an va um i ka nau motor cung a tum bakin an zuan hnawh a dang khual pawl zong an velh chih hna. Ka nau pa cu thlanglei a rak zam i an va dawi i an va velh. A hawile nihcun a zam kho i a luat tiah an va ruat i an rak velh len cu an rak hmuh lo. Cuti an velh hna lio ah Fanthen lei phone an chawnh hna i Fanthen mi an rak phak in motorcycle in an zam hna.

Zingka an kalti mi an hawi an chawnh hna i Aibur an phak in an rak hngak hna i cu tlangval hna cu bia an hal i Leitak kan si tiah an rak hlen. Pakhatpa te angki ah thi ai neh caah a zum hna lo i Aibur khua upa hna a au hna i bawmh a hal hna tikah Aibur tlangval lawngte an rak si. (Tlangval hna min ka theih lo caah Aibur khuami ka ti hi asi i Aibur khuami dihlak ti duhnak asi lo)

Ka nau pa cu Hnaring siizungah a thlawp lio asi. A haa pahnih a kiak i a cal a kawi. FB hawile hna thlacam kan bawm ve u.

Ling Din

Salai LTT Nih Pi Van Bawi Hnem Phaisa Tamtuk A Pek
============================
Salai Lung Thli Tum nih vanthat tiin a ti cang, Vote tampi hmuh nak ding caah a tha ngai te men laiπŸ‘‡πŸ‘‡πŸ‘‡

Salai LTT Nih Pi Van Bawi Hnem Phaisa Tamtuk A Pek

Be the first to comment

Leave a Reply

Your email address will not be published.


*