Malaysia ah damlo harsa rianrang in bawmh a herh tuk

Malaysia ah damlo harsa rianrang in bawmh a herh tuk
_________

Min : Pi Van Tha Hnem
Khua : Hriphi
An pa: Pu Hrang Mang ( Ngalang khua )
Fa pahnih an ngei
Umnak : Cheras Alam Jaya, Malaysia
Damlonak: Kal ( kidney ) fak

Damlonak kong:
Nikum khan a kal a fak cang i Kajang sizung ah a kal. Kajang sizung nih operation tuah na hau i Serdang sizung ah nai tuah hau tiah an ti. Serdang sizung ahcun a kal i operation tuahnak ah tangka RM – 30,000 hrawng na dih lai tiah an ti. UNHCR Card zong a ngeih lo pinah tangka zong a ngei lo i operation tuah loin a tu tiang a um ko.

Kum 2020 a hun phan i Malaysia cu covid – 19 raungah lockdown a hung si colh. Cuticun zapi rian loin kan vaivuan dih cio hna.

Pi Van Tha Hnem cu a kal ( kidney ) fak cu a zual chin lengmang. Clinic ah ai piah tawn. A fak daih chawnnak sii a ei i cuticun ai chang.

Sihmanhsehlaw a tulio hrawng cu a fah tuk cang caah sizung ah kal i operation tuah lo awk kha a tha ti lo. It zong it kho lo, thu zong thu kho loin sivang ngai in cansau nganfah a tuar cang.

Nihin Nomvember 6, 2020 ah ACTS Clinic ah ai piah than i November 9, 2020 ah khin Chongkit sizung operation tuah ding in an ti.

Nan theih cia bantuk in kal ( kidney ) fah hi a tuar a har taktak mi a si. Zangfah tuk khin a um cang. Sizung ah operation tuah zau lo ahcun a nunnak caah thinphang a si cang.

Cu ruang ahcun Pi Van Tha Hnem tluang tein sizung ah operation ai tuah khawhnak hnga nan ngeihchiah nan chawva in nan rak bawmh cionak lai zanhfah kan nawl hna.

A tu an mah nih ngeih mi zeihmanh an ngei bak lo. Ramthumnak ah unau chungkhat tangka kuatu ding bochan ding zong an ngei lo. An pa hi CRC Card lawng a si tikah a tulio CMCO lio ahcun rian zong duh poh in tuan awk a tha lo. Kan ti khawh tawk cio in kan miphun minung pakhat nunnak chanchuah nak ding caah dawtnak le zawnruahnak he thazang chuah tti cio hna usih tiin Bawi Khrih min in toidornak he kan sawm hna.

Pehtlaihnak :
Andrew Tum Tling ( Malaysia )
Ph: 010-5697 881

Bawi Rem Sung ( USA )
Ph: 515 3339 442

Olivia Nu Cinzah ( Australia )

A mah Pi Van Tha Hnem chawnhnak ding Ph: 0149698116

Mi sifak cung ah zangfahnak na ngeih ahcun Bawipa kha chaw na coih bantuk a si. Bawipa nih tling tein an cham lai ( Phungthluk bia 19:17 )

Mizaw nih bia a chim lio video click >>>>
https://m.facebook.com/story.php?story_fbid=206191634246299&id=103465144518949

Hawi le vialte share in rak kan bawm cio hram uh.

Andrew Tum Tling

Be the first to comment

Leave a Reply

Your email address will not be published.


*