Malaysia Chinmi Caah Thawngpang Tha Pakhat: COBEM Care Zuar Thok A Si Cang!!

COBEM Care Zuar Thok A Si Cang!!
============================

Miphun hawi hna, nan umnak cio in nan dam hna maw?

Ralzaam hna kan zawt fah ii siizung le siikhan kal tikah tlawmpal te tal kan i bawm chan kho hnga maw timi ruahchannak he tlangcung buu hruaitu, COBEM (Coalition of Burma Ethic Malaysia) nih COBEM Care cu tuah a si. COBEM Care zulhphung le sining hna cu a tanglei bantuk in a si.

COBEM CARE
===========
COBEM CARE timi cu community buukip hna tangka thazaang fonh in timh tuahmi a si.
Kan mipi hna kha an herh bik lio caan ah bawmh le thih loh ton sual tik ii zohkhenhnak siseh zawtfah tik i bawmhnak ding caah tuahmi a si.

Kumkhat caah liam dingmi: RM150.00
Kumkhat caah bawmhnak: RM6000.00

Ho nih dah a cawk khawh?
=====================
* Malaysia ah a ummi Kawlram tlangcung mi a si lai.
* Kum 16 in kum 65 kar a si lai.
* A tanglei ah langhter mi dam lonak hna hi a hlan tein a ngei lomi a si lai.
-Thi he pehtlai in dam lonak
-Ruh he pehtlai in dam lonak
-Cancer
-Thinlung thihri he ai pehtlai mi dam lonak
-Chuah kaa in ngeih ciami dam lonak
-Ciruang in ngeihmi dam lonak
-Thau tuk zawtnak
-Thihri lei zawtnak
-Lung lei dam lonak
-Nau pawi
-Thaw chuahhar zawtnak
-Keng ruh lei dam lonak
-Nu le pa sualnak in chawnhmi zawtnak le AIDs zawtnak

*COBEM CARE zulhphung tling zoh tthan ding.

POLICY COVERAGE
——————————-
ZEI BANTUK DAH BAWMH KHAWHMI A SI?
==============================

Zawtfah zohkhenhnak
———————————–
Cozah siizung le private siizung ah kainak man; A tanglei hna telh in:

* Zan riah in siizung umnak
* A sang deuhmi zohnak (ICU)
* Siizung chung thlopnak
* Operation tuahnak khan man
* Pum hlainak man (pum thilri thlennak telh loin)
* Siizung riak loin pum hlainak man
* Fah theih lonak siiman
* Siizung chung zohkhenhnak
* Siizung chung riah lio siibawi he biaruah man
* Mizaw phurhnak mawttaw man/ Kan dam loning an ttialnak catlap man

Thihnak Kong I bulhnak
————————————-
Thih lohnak na ton sual ahcun na chungkhat tak nih na hmuh awk zat (RM6,000) a simi chungin a taang rihmi paoh kha an co lai.
Chungkhat tak na ngeih lo ahcun bulhnak caah na umnak phu (community) kha RM2,000 peek an si lai.

ZEI BANTUK DAH BAWMH KHAWH LOMI A SI?
==============================

Siizung riak loin I piahnak le a tanglei ruang ii thih lohnak a tongmi cu liampiak a si lai lo:
* Nau pawimi, nau ngeihnak le nau thlaknak
* Dam maw dam lo I zohternak
* Mah le mah thah I timhnak
* Dawhnak ca ii pum hlainak
* Thluak tlamtling lomi,
* Pum chung khumh ding thir thilri (Ser chommi kutke, thinlung rian ttuantertu thilri, mithman, a dangdang)

A tanglei ruangah a cangmi thihnak zong kan cohlang lo:
* Member sinak phuah ruang
* Lainawn in thihnak
* Nau cungin thihnak
* Zaang entainak ruangah thihnak
* Ral kut in thihnak
* Hlankan tein ngeih cangmi damlonak in thihnak/ pum tlamtlin lonak/ HIV-AIDS
* Zuu rit lio le rit-hai-sii a hman lio le cu bantuk he ai khatmi thilri a tonghtham lio ah poipang tonnak in thihnak hna cu kan bawm hna lai lo.

Zeitin dah kan sok lai?
———————————–
Mah le umnak community cio kha na pehtlaih hna lai ii anmah nih COBEM Care sokning cu an in chimh lai.

Zeitin dah bawmhnak na ngah ding tangka cu na hal tthan lai?
———————————————————-

A kumkhatnak na cawk thokin na ngah dingmi tangka zat na hal tthan hnanak dingah ni 60 na hngah hmasa lai. Kum hnihnak na cawk hnu bel ahcun hngah hau ti loin na cawk kaa tein na ngah dingmi cu na hal tthan khawh hna lai.

Bawmhnak peek ding hal na duh tthan tikah na umnak community upa te kha chawnhbiak hnu ah a herhmi cahnah vialte (Bianabia ah: Siizung umnak receipt, siibawi nih cattial piakmi, thihnak certificate le a dang herhmi) I ken hnu ah community zungah na va kal lai. Na ngah dingmi tangka peek hlan ah na apmi cahnah pawl hna cu felfai tein zohnak ngeih hnu ah bawmh na si lai.

COBEM Konglam
==============
Kawlram tlangcung mi komh buu a simi (COBEM) cu a tanglei community buu hna he fonhmi buu khat a si:

-ACR (Alliance of Chin Refugees)
-ARRC (Arakan Refugee Relief Committee)
-CRC (Chin Refugee Committee)
-KCR (Kachin Refugee Committee)
-MKO (Malaysia Karen Organisation)
-MRO (Mon Refugee Organisation)
-OKD (Organisation of Karenni Development)
-SRO (Shan Refugee Organisation)

COBEM timi cu a cunglei community hna le NGOs, hmun khatkhat he pehtlaihnak, ralzaam bawmhnak dingin rian a ttuanmi buu, UNHCR le cozah karlak ah pehtlai tu le chimpiak tu a si. COBEM nihcun hmunkhat ah rianttuan ttinak le midang caah a tthami rian ttuan, (bianabia ah ngandamnak lei bawm dingin hmunkip kalnak le mino cawnpiaknak) kha an ttuan.

Pehtlaihnak:

CRC zungah hlat khawh si.

Be the first to comment

Leave a Reply

Your email address will not be published.


*