Malaysia Chinmi Cheukhat Card Chuh Cia Mi Caah Thawngtha

Malaysia Chinmi Cheukhat Card Chuh Cia Mi Kong Ah Thawngtha

=====================================

Malaysia ummi Chinmi cheukhat caah thawngpang tha ngai a si. Card chuh cia mi na si nain na nupi/pasal chuh lomi a si ahcun i benh than khawh a si cang.

ICC le UNHCR kuzale Mr.Thomas cu Online ah Meeting an tuah hna i cu lioah hikong hi a chim chih. An meeting tuah mi a tawi fiannak in (1) Tleih khih kong:  Sualnak tuah ruangah Palik nih tleih mi cu UN card angeih ko zongah UN nih tuanvo a la lo, Sualnak ruangah siloin riantuan nak tibantuk tlaih mi belte a sinkhawh chungin UN nih tuanvo alak. Cu hna pawl caah le Thong chungah zawtnak angei mi pawl caah UN le Malaysia cozah cu tuthla 27 ah tonnak aum lai caah cu tikah UN nih Malaysia cozah va chimh piak te ding.

(2) Card/Catlap renew nak kong: UN card le catlap a tattan a dih cang mi chungin cheuthum cheuhnih cu tattan an tu piak cang, a tangmi pawl zong chonh khawh kan rak in zuam colh lai tiah an leh hna. Cun covid-ruangah pumhnak a ngah lomi angah pah cang timi kha ramdang mi ca siloin Malaysia minung ca lawng a si.

(3)Damlo kong: Damlo na ton ahcun UN he pehtlai mi Tzu chi sikha  le ACTS siikhan ah i piah law  aherh mi cu anmah nih ca an in tial piak lai.

Nauthar benh nak kong: Nauthar i benh cu usa pek bak mi a si caah nauthar benh cu a fawi. A sinain niikhat ah minung 60 lawng cohlan a si.

Ramthumnak kal nak kong: Tukum chungah ramthumnak akal mi minung 2000 lawng an si. Kumdang ahcun 5000 an kal tawn nain tukum cu covid-19 ruangah a si i minung 2000 lawng ramthumnak an kal.

13 Card kong:  Card chuh cia mi hi pek than kong zeihmanh Mu ai thleng mi aum lo. A sinain Nupi le pasal pakhat khat an chuh rih lo pakhat an chuh cang tibantuk a si ahchn i benh than khawh a si ti a si. Cu caah micheu caahcun thawngtha ngai asi.

Be the first to comment

Leave a Reply

Your email address will not be published.


*