Malaysia Ralzam Thar Pawl Card Kan Pek Ko Hna Lai Nain,

ICC upa nih UNHCR lutlai Mr. Rap Thomas sinah Malaysia ummi Chin ralzam caah cardthar pek nak kong an hal i a tanglei hi UN leiin an leh mi cu a si.

ICC ; A pakhatnak ah Chin ralzam caah Card thar nan pek awk a si i, hi kong ah zeitin nan tawlrel ning a si lai timi theih kan duh ko.

UNHCR : Card thar pek ding le, ramthumnak kal ternak kong le ralzam a si maw silo timi kan tawlrel cuahmah lio, Mah kan tawlrel cuahmah mi zong tampi kan tlam a tling ko tiin kan hmuh. A sinain kan i ruahchan bantukin a dihlak cun kan tlam a tling lo.

A ruang cu 2020 ca zong kan tawlrel cuahmah chih ve caah a tulio kan riantuan ning hna ahnok ngai. Cu lawng siloin a tulio kan tuah cuahmah mi cu, Ralzam vialte nih (Chin mi ca lawng siloin) Mah le umnak hmun cio tein mah sining theihternak ONLINE in tuah kho cio dingin kan tuah cuahmah lio a si. Cubantuk thil cu chungkhar ibenh ding caah le lamhlat in aummi pawl caahcun thiltha ngai a si lai tiah kan zumh. Cu lawng siloin Card thar thlennak kong zongah a tha deuh mi siding in kan i zuam cuahmah.

Cardthar (New Registration )sok a duh mi pawl ca zongah a hlankan tein min cazin pek nak ding zongah thil fawi ngai a chuah pi lai. Hi kong he pehtlaiin kanmah UN lei nih Phone kan chonh cuahmah cang hna nain Chinmi 300 hrawng hi kan chawn kho ti hna lo. Cu ruangah mah le community cio nih https://help.unhcr.org ah thawngpang kha zoh cio i ram thumnak kalnak kong le a dangdang kong kha theih khaah cio a si.

Cuka ahcun UN ah pek mi Phone number thlen ning zong kha zoh khawh a si. Culawng siloin UN card thar peknak kong zong kan ruah cuahmah lio a si i a tu lio cu tlamtling tein kan chim kho rih lo nain kum dongh lei hraang silole kumthar hrawng ahcun ralzam thar laknak ding kongpam tling tein website ah kan thlah te lai tiah kan i ruahchan. A herh bik mi cu rang tein tuahkawhnak ding lawngkha a si ko. tiah UN nih an chim hi ngai a si ti khawh aa si. Malaysia Chinmi caah thawngtha si.

ICC upa nih UN lutlai Mr.Rep Thomas an ton lioah Card thar pek an si te ko lai tiah a chim.