Model: Tial Len Sung: Lainu nih laithil adawhpi, asunlawi ter khun.

Model: Tial Len Sung
Photo: Dadeo Cer TnC Photography

Tutan Aidii thilthar hna cu lainu lak ah nusal tha cheukhat thim in kan langh ter hna lai. Lai nusal tha Hmanthlak Series 1nk ah LBC (Lai Baptist Church) in minung 6 kan thim hna. Kan thim mi pa 6 lak ah a panganak ah kan langhter duh mi cu Pi Tial Len Sung asi. A konglam le a riantuannak, a hmuhning a ruahning akan hrawmhmi hna nih khuaruah chap ding tampi a kan pek pin ah thazaang ilak nak zong an si!


Q: Nangmah na konglam
A: Ka min cu Tial Len Sung asi. Thantlang kasi. Pu Uk Hle(tleicia) le Pi Ca Hluan fanu upabik kasi.
B.Econ(stats) le LCCI-3(UK) ka awng. Thilthit, hlangaih, carel hna hi ka huammi an si.

Q: Na pasal a min, akhua min le a tuan lio mi rian?
A: Ka pasal cu Tikir khuami Pu Ca Lian Thang (tleicia) asi. A kan liamtak hlan NGO ah rianttuanmi asi.

Q: Na pasal he zeitik kum ah nan ium? zeitin dah nan ihmuhton ning asi? Aaduh in aa um mi maw? Nu le pa nih khuakhan mi dah?

A: 2006 ah kan i um. စံရိပ္ၿငိမ္ေဆာင္ ka um lioah ka upa a ka tongmi a rak zul i mah cu kan i hmuhton hmasa bik asi. Kan pahnih duhnak le kaphnih chungkhar hnatlakpi in ai um mi kan si.

Q: Fa (nan ngeih cun) pa zeizah dah nan ngeih? Nu pa zeizah, pa pa zeizah?
A: Fa pahnih kan ngei. Pafa pakhat le fanu pakhat an si.

Q: Chungkhar rian pin ah a leng lei tuan lio mi rian a um maw? A um ah cun zei rian dah na tuan?
A: Chungkhar rian pinah inn ah thil ka tthi pah.

Q: Zeiruang ah dah hi rian hi na thawk ning asi?
A: Aleng company ah kumhnih leng ka ttuan bal. Chungkhar sining tlamtlinlo caah ka chuak i Pathian pekmi pahrang hmangin thilthit hi kai ot.

Q: Aleng rian na kemh chih ruang ah chungkhar zohkhenh nak ka tlolhnak a um tiah nai ruat maw?
A: Nubik nih aleng rian caantling ttuan chih ahcun atlawm le atam in tlolh asi ko. Caan pek ah asi bik. Rian he pehtlai in thinlung taksa thabaat ngai caan aum tikah rianlawi hnu i inn hnokhnai van i tuaitam tthan cu a fawi lo taktak.

Q: Rian na tuan mi ah na pasal/na chungle nih an in thlolh bal maw?
A: Rian ka ttuanmi ah thloh cu aum ballo. LCCI-3 zong hi fa2 ka neih hnu ah tha an ka pek ve caah ka cawn, ka awn i riantha ka tuan khawhnak arak si.

Q: Pasal ngei cia nu (Nutung) nih cun innchungkhar zohkhenh ding lawng kha a rian ah aaruah ding asi, a leng lei rian tuan hna a herh lo an in ti ah zeitin dah na leh hna lai?

A: Ttuan khawh cun ttha tuk, aherh ko. Nain innchungkhar ah chambau tuk um ding cun zohthiam aherh ve.

Q: Nu pakhat caah nutling/nusal a si nak tahfung hi zeibantuk dah a si awk a si tiah na ruah?
A: Nutling ka tahnak cu; biaknak ah azumhnak afekmi, chungkhar cingla a daw i atlaihchan mi, midang sining hoih in nunhrawmh khomi, pawngkam nih chiatnak tthatnak ton caan ah tlangtlakpi kho tu, mah le mah zumhnak ( confidence) angei i ai uk kho mi.

Q: Nupi pakhat dirhmun in innchungkhar khuasak tuntuk ah a tuah ding mi thil biapi ngai a si tiah na ruah mi zeidah an si?
A: Innchungkhar dirh cangmi nu nihcun Dawtnak thinlung he khurkhua tuaktaan peng aherh.

Q: “Lai nu le Lai thil” ti hi zeitin dah a sullam nai fian ning asi?
A: Lainu nih laithil adawhpi, asunlawi ter khun.

Q: Zei bantuk caan ah dah laithil hi nai hruk aih bik?
A: Nisunglawi ah kai hruk-aih bik.

Q: Na fa le caah laithil na serh cang hna maw? Laithil serh ding hi aherh tiah na ruat maw?
A: Serh khawh ahcun attha ngai in karuah. Kapi nih amah kuttah laithil aka rohmi cu ro sunglawibik ah kai chiah si.

Q: Laithil ah hin sehtah le kut tah ti in thleidannak thinlung put na ngei maw?
A: Laithil veve cun kahmuh ko nain kuttah mi te i hruk-aih tikah lungsi le sunhsak deuh asi.

Q: A dangdang siaherh bia a um ah cun …
A: Laimi nih laithil atak kan sunhsak ngaimi hi lawmh um tuk. Chantiluan hoih in hruk-aih ( ler tuk loin) kan tharchuah mi zong attha tuk kati.
Laithil cu laimi nih athawi asining kan theih bik caah laithil tah le tthit zong laimi nih kan tuah cun ai dawhnak atling.
Aleng riantuan thengtheng ti lemlo in nu nih innchungkhar rian pinah zungthiam zong in kan sining acawisan khawh ve ko caah thiam i zuam cio hna usih.
Zungthiam lei thazaang petu siseh, laithil dawhdawh akilveng tu le atharchuah tu Aidii Collections zong upat le ichawr thlak taktak nan si! Kailawm.

Na caan sunglawi le na ruahning na kan hrawmh caah kan ilawm tuk utialku!