Party luh loin independent in thimnak ka luhnak aruang bik

Party luh loin independent in thimnak ka luhnak aruang bik
============================================
Chinram cozah thar cu bawmh an herh caan ah ka si khawh chung in bawmh, thiltha an tuah i thangthat awk an tlak caan ah thangthat ka duh hna.

Mah bantuk hi opposition party nih an tuah duh lem lomi a si, kei cu pumpak ka si lai i controltu ka ngei lai lo caah zalawng tein a herh caan ah cozah ka bawmh khawh hna, ka thangthat khawh hna lai.

Khat lei ah, cozah sertu party an chungtel zong ka si hlei lai lo caah thilthalo an tuah caan poah ah zalawng tein ka doh khawh hna lai, mipi phaisa an fir caan le ningcang loin mipi phaisa an hman caan ah aho mithmai zoh loin le zalawng ngai in ka doh khawh hna lai. Party EC le chairman nih sik le phuah timi a um lai lo.

Mipi caah thiltha an tuah lio ah cozah an hawikom tha bik ka si lai i mipi caah thiltha lo an tuah caan ah an tih bikmi an ral ngan bik si khawh kaa zuam lai.

Vuanci cu kum 35 tlin hnu lawng ah tuan khawh a si caah kei cu vuanci or CM tuan ding ka kum nih a tlinh rih lo. Independent MP pakhat dirhmun in kan ram le miphun caah ka si khawh tawk tuan kaa timmi a si.

Ka logo hi thlichia lakah a zuang cuahmahmi mupi a si, mupi nih thlichia kha thazaang ah aa lak tawn bang kei zong nih soiselnak le dohnak kha thazaang ah kaa ser ve lai, mupi mit ngeih in Chinram chung eihmuar hmang le mifir ka ngiat hna lai i ka doh hna lai.Ŝalai Lungthlitum

Salai LTT: Ngandamnak lei thlennak le thanchonak: MP ka tlin ahcun
==================================
Keimah meehmun ah cun Hnaring, Fanthen, Ngaiphaipi, Khuahrang, Hmawngtlang, Hriphi, Khuabung le Zephai ah siibawi pakhat cio tal chiah ding ah cozah ka hal lai. Mah siibawi cu pawngkam khua zong nih zawtfah caan ah fawi tein auh khawh le kal hnawh khawh a si lai.πŸ‘‡πŸ‘‡πŸ‘‡

Salai LTT: Ngandamnak lei thlennak le thanchonak: MP ka tlin ahcun

Be the first to comment

Leave a Reply

Your email address will not be published.


*