Raltha tein Phuang lawlaw cang ning

Raltha tein Phuang lawlaw cang ning
===================================================================================================
Hi kong hi chim zong ka tim bal lo nain chim lo ahcun Chin miphun na kan vaivuanh cang lai ti ka phan caah a si. atu ka tial mi hi thil dik zong a si, ka taksa nih a ton i ka mit nih a hmuh mi a si caah raltha tein ka tial ngam mi a si. hi ca ka tial ruang ah CNF/A siseh Chin Party nan ngaih chia hlauh uh tiahkan nawl cia hna.

Kan hnu thla ah Chin Party le CNF/A hi Party pakhat an si i an tanti ahcun CNF/A nih harnak a ton khawh ti mi tlangtar in ca ka rak tial i zei sawpa ah nan rak rel lo, keimah tu biafak in nan ka comment mi a tam. Khah thil sining phuang cang ning law?


CNF/A cu zei ramkheel Party (Political Party) he hmanh kan i pehtlai lo i kan tangti lo, kan nih cu dothlannak hi biapi ah kan chiah tiah vuitampi nan chim. Miphun Party aa ti mi hna nih CNF/A policies an au pimi hi Miphun Party nihzei ah an rel lo maw si hnga, Party pakhat bantuk in an in hman peng hna, asiloah nan mah hrimhrim nih maw dirkamh mi Party hi nan ngeih hnga ruah awk aum.

CNF/A cawlcanghnak cu tiokap le Tipi (bawinu va kiangkap minung) khua sa mi khaute nak in thil a hngal mi nan um lai ka zum lo. CNF/A hi zeitin aa thawk kan chim lia lo. an cawlcangh ning tu langter ka timh. 2008 hlan ti ko usih, hi lio ah ralkap an doh mi hna nakin Chin Miphun cung ah harnak le fahnak an pek mi a tam deuh.
Kan nih khua sialam hi India ram Mizoram ramri Sangau khua he ralchan in a um mi khua kan si. Kawlram thil he India ram thil he a ei ding mi kan si. Cu lio ahcun CNF/A zong hi India Mizoram Saiha Distirct ah Camp an ngei i cu ka cun khuasa mi an si.

Kan khua pawng cu an tlawnlennak si kaw khua chung mino cung ah lungre theihnak tampi an ser. CNF/A nih mithar an kawl hna i minung an dawh/tlaih hna ti kan theih cun khua chung mino vialte ihphah le puam rep loin ramtang ah kan zam dih. nungak tlangval aa leng ko mi hmanh CNF/A nih minung an tlaih han ti theih cun inn kutka hmanh in chuak ngam lo in mifir bang thlalang awng le phokhlek in a zuang mi le azam mi mino kan rak tam.

Vui khat cu, (ani ka cin ti lo) Sialam ram saisih chuak ah hmekphek hmun/lo kan rak tuah, hmekphek cu India ram mizo ram ah zuar ding a si i songkhoi tampi khat in Saisih chuak tipi ralkap ka cheek dih. ka cehk lio ah zarh he aa ton caah tipi kam ah ka hmekphek cu ka riah pi.

athai zing ah saisihchuak tipi sum lei in CNF/A nih minung 3 an rak hruai hna, thau mi an si tiah an rak ka ti. ramlak ah an rak tlaih mi hna an si. cu lio ah tipi kan hmekphek tuah mi hna hmekphek cu an rak chuh bang hna i an tlaih mi hna cu an phurh ter hna. ka sin an rak phan i an ka hro, khoi ka khua dah an si an ka ti, sialam ka si ti ahcun an ka tlaih ding a si caah sangau mi ka si ka ti, na hmakphek kan in chuh lai an ka tih, ka siang lo, ka hmekphek hi ka zuar cang mi a si ka ti hna, a ho sin ah na zuar tiah an ka ti i CNF/A nih sangau hrawng ah an i bochan ngai mi Pu Valte an ti mi, sangau mirum pa hi aa thei mi kan si i cupa hmekphek a si tiah ka chim hnu ah Valte an tih ruang ah ka rak luat.

Vui khat cu Pathian ka hngalh thawk ka a si. Biak inn ah thla kan cam, hla kan cawng hna I zaan sml 9 hrawng a si cang. cu lio ah CNF/A zaan ah an rak tlung i minung tlaih/dawh awk an rak kawl. cu lio ah ka naupa a paw a fak i an rak ka kawh. inn ah rianrang in ka tin/ lawi lai ka ti I biak inn leng ka chuah bak ah CNF/A nih ka tang in an ka tlaih. kan in kalpi lai an kati. kei cu fa ngei cang mi ka si, atu ka fapa a paw fah ruang ah an rak ka kawh tiah ka tiah ka hlen hna i I an ka thlah.

Kan khua pa a min ka chim lai lo, nih varap a chiah i vaking 3, varit 2, vamai 4 a foih in inn a rak tin lio ah lampi ah an rak i tong i a va foih mi an chuh dih, vamai lawng an rak pek. Saisih chuak khi hlan lio ahcun sumdawng an tam taktak nak a rak si. caw hruai, vok hruai le eidin/hnipuan tampi in rangcung in Hakha, thantlang lei sumdawng an tam tuknak a rak si. cu lio ahcun CNF/A nih an rak bawh hna itangka, thilri an chuh hna, an vuak hna, cun an caw le vok an tlaih hna. kha bantuk khan rak tuah hna hlahsehlaw atu saisih chuak hi chawlehthalnak lampi dirhmun hmanh a phan cang hnga.

Khuate mi nih pumpawchawmnak ah tiah hmakphek kan cin i CNF/A nih a khun a rak ka khawlh. kan rak pek ko hna nain a tlawm tuk ahcun khuabawi an rak sik.
Sialam khua ahcun kan inn hi ralkap he CNF/A he an thut dirnak inn bak a si. CNF/A pawl an hriamnam hmanh hi zun nga zun ruk cu hringtu ka pa nih kan inn dum chung ah a fim /thuh piak peng hna. ralkap nih rak kan theih sehlaw thih hlan lo thong kan tla hnga kha mu.

Thantlang ah ralkap in Khin Maugn Zi um lio a si, khuate kan pawng ah ralkap kap hna hlah uh tiah CNF/A cu ksn rak nawl hna, aruang cu khuami hrem kan ton ding asi caah asi, khuami harnak aa kan pek tuk tiah kan ti hna zong ah an ngai lo, vui khat cu kan khua luhlai bak in ralkap cu CNF/A nih an rak bawh hna i an kah hna, ralkap 2 thantlang sii inn ah an nunnak aliam. cu lio hoi hna cu kan khua cu khuaci kan mui, pastor dang lo, khuabawi, pitisit le khuami dang lo in an rak hrem hna.
Minung pakhat lawng khual kan tlawn caan i ralkap he kan i ton ahcun CNF/A na si tiah thah kan rak tong.

Ralkap tih ah ramtang ah nan riak, nan umnak hmun ramtang ah ti le rawl kan in chanh hna, uico sa kan duh, cawsa kan duh na kan ti. kan in pek hna. ralkap an tlunfa te nan um nak ah thingphal ca thawngthanhnak ca kan rak in pek hna, chun le zaan dang lo fur le khuasiak dang in lo in nan himnak ca kan rak cawl cang.

Khah kha vial in za rih seh. Nuhrin covo kong ah kan kir rih lai
Ralkap uknak kan celh lo ti ruagn ah ramdang ah refugee kutka nan on i kan chin miphun tampi an phan kho cang i kan i lawm ve ko. a taktak le ngaigani ti ahcun ralkap ral tih ruang si loin nanmah CNF/A ral tih ruang ah India mizo ram ah a pem mi chung khar kan tam hi, kha lio caan malaysia a kal mi han kha CNF/A kan in celh hna lo ruang ah a zam mi kan rak tam pi. ralkap cu an rak tlung i buh le sa kan pek hna le kuli kan phurh puiak hna ahcun zei tin aa ka ti lo. nan CNF/A cu nan ratnak ding le nan kal nakding kong ah khuami kan rak buai peng. na kan hro, cheu kaht na kan vuak.

Nan i thawh i UN sin ah ralkap nuhrin covo buairnak a sang tuk, kan miphun an pam tuk nan ti, nuhrin covo buar a tam tiah tiah refugee nanbuia pi I nihin ahcun ramkip ah kan chimphun an phan kho.
a taktak le ngaingai ti ahcun ralkap nih kan covo an rak buai mi cu hramhram lo kuli phurhter lawng a si. a chung taktak harnak le lungre thihnak a rak kan petu cu CNF/A bak na si ve. CNF/A ah lut ding in hramhram lo na rak kan dawh, kan duh lo ahcun na kan vuak, sumdawng nan tlaih hna, nann van vuak hna. nan him nakcaah rawl kan in chanh mi hna le thanwg kan in thanh mi hna ruang ah ralkap hro le cer, vuak kan rak tong.

Nihin ramthumnak a phan cang mi hna hi ralkap kup in har tong mi nakin nanmah kut in harnak ton ruan g ah ramdang a rak zaam mi an tam deuh men lai.
Khah ka chim duh mi cu, nan rian aa dang bantuk in nihin miphun min i put in ramkheel party hna nih thimnakvote hmuhnak ah hman an timh han caah hi ca hi ka tial mi a si. CNF/A cu mipi nih kan dirh mi zong a si lo, nanmah nih miphun kan aiawh nan ti i kan in cohlan ko hna nain Miphun caah rian nan tuan ning le tanh hlei mi nan ngeih ding kan duh lo caah
hi ca hi mit chim vancau in ka tial mi a si. (Rolian)

The Voice Of Democracy Page ta lak chinmi a si.