Salai Lung Thli Tum Nih Pu No Than Kap Kong Ah CNLD chairman Pu Ngaisak sin ah ka tialmi cakuat:

CNLD chairman Pu Ngaisak sin ah ka tialmi cakuat:

Pu Ngaisak,
Tulio cu biatak tein CNLD kan doh hna, mino te nih a ninghngal tuk tiah nangmah telh in mi tampi nih an ka ruah lai. NLD a tanh ruang ah CNLD a doh ti zong nan ka ruah lai, nan mawh hrimhrim lo.

Kei nih si kho seh tiah ka duhmi(my demands):

(1) CNLD nih Chin miphun kan aiawh nan ti tung ahcun miphun nih thimmi chairman a herh. Chinram peng 9 kan um i peng tam deuh nih uarmi asi a herh.

(2) Falam peng lawng nih an uar i Hakha le Thantlang peng nih Hitler tluk in kan tih i kan huatmi, tuanbia chiahru a ngeimi Pu Nothankap bantuk hi Chin a huapmi party hruaitu a si awk si lo. Hruaitu thimnak ah a tlin ahcun phundang.

(3) Ramdang bantuk in party member nih chairman thim ding cu a har deuh lai. Nain, pengkip aiawhtu EC an um ko. EC nih hruaitu thim khawh a si.

(4) Peng(myone) kip EC nih Chin miphun dihlak caah a tha bik tiah an ruahmi vote pe hna sehlaw vote tam bik a hmumi hruaitu nih kum 5 chung CNLD chairman tuan seh.

(5) Cu chairman nih election ah CNLD teinak ngah khawh ding ah i zuam sehlaw teinak ngah ahcun Chief Minister zong tuan chih seh.

(6) Chin a simi poahpoah kha hruaitu chairman thimnak ah luh khawh siseh. Nothankap, Zozam le Ngaisak lawng an lut kho lai tibantuk si hlah seh.

(7) Kum 5 dan ah chairman thimnak voikhat lengmang tuah siseh.

(8) CNLD cu Chin miphun party a si nan ti tung ahcun a cunglei ka tialmi hna hi nan ruah awk ngai a si. Cuti nan tuah duh lo ahcun tulio nan personal party CNLD cu Chin miphun party tiah auh hram hlah u.

Mah ka saduhthah hi Chinmi dihlak kan duhmi a si lai ka zumh. Nan tlinter khawh ahcun aho hmanh nih CNLD kan doh ngam lai lo. Keimah lila nih teinak nan ngah khawhnak hnga ka si khawh chung kan bawmh hna hnga.

Nain, tutan cu CNLD chairman Pu No Than Kap ruang ah tanpi awk nan tha lo, amah hruaimi party thimnak cha cun Than Shwe party thim ah hna a ngam deuh ding dirhmun ah a um. Hi ruang ah ka sining dihlak in kan doh hna a si.

Upatnak he,
Salai Lungthli Tum

 

Be the first to comment

Leave a Reply

Your email address will not be published.


*