Salai Pa Thawng: Lungthlitum He Hawikom Kan Rak Si Nain Kan Ruahmi Aa Khat Lo Caah A Rak Ka Block Bak Ko, MP Tlingsehlaw A Mah Duhnak Le Mipi Duhnak

Salai Lungthlitum hi hawikom kan rak si nain hmuhning aa dang ruangah a rak ka block i tu ahcun unfriend in a ka tuah than caah kaa lawm i Chinmi mino lakah cun upat tlak mino zong a si caah ka lawmhpi ngai ngai.

Nain ka ruahmi pakhat belte cu amah Lungthlitum nih a ruahning le a hmuhning in kan ruahlo le kan hmuh lo ah mihrut pa tiin block a hman mi te hi a poi tawn ka timi a si. Mino lakah zuamnak a ngeimi le chawva a ngeimi a si i zohchuntlak a si nain a nunzia belte cu zohchunhtlak in ka hmu kho hrim lo.


Tu zongah MP aa cuh ve tikah ka lawmhpi bak hawikom sinak in, nain midang hmuhning le ruahning a cohlan khawh lo tikah mah bantuk lungput a ngeimi nih MP a tlin ahcun a si kho hnga maw ti a ka ruahter ngai ngai.

MP cu mipi aiawhtu dingah thlahmi a si caah mipi le midang ruahnak le hmuhnak kha lak thiam a hau lai. Mah nih duhlo hmanh ah mipi nih duhmi a si ahcun OK tiin cohlan caan a phan lai. Tutiang ri a nunzia ah amah duhning in comment lotu le amah duhnak le hmuhnak aa hrawm khawh lo tikah mipi aiawh in kan dirpiak sehlaw mipi duhnak le amah duhnak i lo hlah sehlaw mipi duhnak kha hmaiah chiah loin amah duhnak kha hmai ah a chiah hnga i mipi vialte a kan block dih hnga maw ti ka ruat ngai ngai.

Ka chim cia bang chawva ngeimi si kaw rian a ttuan kho ngai ngai nain a bawmhmi hna kha langhter le chimh a hmanmi belte cu ka cohlan lo ngai ve. A bawmhmi cungah cun ka lawmhpi nain amah pumpak in minthatnak caah aa phuan khi ka uar lo. MP tling sehlaw MP sinak in mi a bawmhmi hna kha nikhat khat ah a lung an tin lo tikah an min in a char hna lai i a langhter te hna hnga maw ti ka phang.
MP cu mipi aiawhtu an si bantukin midang ruahnake hmuhnak kha theithiam an hau i an ruahnak kha cohlan thiam a hau.

Ka hawikom a rak si i a pumpak sining cungan ka upat nain mi ruahnak le hmuhnak le duhnak lak duhlo in amah ruahnak he aa lo lomi bock a hmanmi cungah ka soisel ngai ngai.

Cucaah vote kan ngeihmi covo hi mifim le mirum le mihrut le sabtlailo sifak kan vote aa khat caah fak piin khua kan ruah cu a hau lai. Minute pakhat tluk lawng a rau i man a ngeimi a lo lo nain man a ngei tuk. Chikkhat te ah pek mi vote hi kum 5 caah a si caah chikhat caah phaisa pekmi nakin phaisa hmuhnak lqm qn canwpiaktu hi an daw deuh tu an si kan philh hrim lo dingah ka duh.

Note: Lungthlitum hi keimah nih pakhat hmanh ka tluk bak lai lo nain hmuhning le ruahning aa dang ka ti bantukin ka upat nain a lungput ka cohlan lonak ka chim i amah ttanhtu nih ka ttiak duhmi sullam pemh loin nan ka thuat lai kha ma theih caah fimkhur tein comment ka pe te sawh ve uh tiah kan nawl hna. Mifim an fim dih lo i mihrut an hrut dih lo, mirum an rum zungzal lai lo sifak kan sifam zungzal lai lo. Pathian aa bochan mi caah lamtha a um zungzal ko .Salai Pathawng

Laimi hi Aw lungdong tak cu Kan si ko. Miphun kongah cun vawlei dongh tiang a Lung a rual kho ding Kan si ti lo
=======================================
Kan mah miphun tanh nak thisa Kan thlau Dih cang pin ah miphun dang nunning aur nak nih tisor bang Kan lucungah a tlak in a Kan tlak cangπŸ‘‡πŸ‘‡πŸ‘‡

Laimi hi Aw lungdong tak cu Kan si ko. Miphun kongah cun vawlei dongh tiang a Lung a rual kho ding Kan si ti lo

Be the first to comment

Leave a Reply

Your email address will not be published.


*