Sang Hre: Chin ram cu kawlram pumpi ah Tanghra awn a niam bik kan si rih.

Chin ram cu kawlram pumpi ah Tanghra awn a niam bik kan si rih. 21.20% lawng kan si. Shan ram khi hmun thum in an theng i Eastern Shan nak in 1% lawng kan kai. Chin state chungah camipuai phihnak 32 hmun an chiah. Sianghngakchia 14,137 sianginn an kai i kum dih ah minung 12,370 lawng an phi kho. Minung 2000 dengmang nih phi loin lam tantim ah an i ngol (drop-outs). Percentage cun a sang taktak khi a si. An i ngolnak a ruang zong hlethlai a hau mi bak a si. 12,370 chungah 2,623 nih teinak an hmuh.

Abuaktlak in tuak ahcun Thantlang hi a chia bik zong a si ko lai tiah ka tuak. Kum 2000 hlan deuh vak in Thantlang cu Tanghra awng cazin a rak chia cang. 2001 ah minung 2000 leng kan rak phi i 37 maw si 42 deuh dak a si mah lawng kan rak awng. Percentage in siseh, cathiam lei in siseh, Hakha cu a thangcho chin lei a panh thluah mah. 2000 lio i Falam Victoria boarding school a rak lar mi cu Hakha Sanpiah boarding school hna nih an tei tuk cang. Mah hi thancho taktak cu a si.

Nain, Thantlang khua bal cu thancho lei siloin a mah ning peng kan si. Tutan Thantlang ah hin a thong leng nih an phih lai si kaw mah chungah minung 46 an awng. Tikir ah 46 hrawng an kai i miming 9 an awng.
1. Thantlang a awng mi percentage in zoh
ahcun minung 1000 nih an phit ahcun 4.0% a
si hnga. 2000 hna nih an phit sual ahcun
% hmanh langhter ngam ding a si ti hnga lo.
2. Tikir ah 46 chung in 9 an awn. Cucu 19.57%
nih hlawhtlinnak an hmuh.
3. Hnaring High School zong ah minung 5 an
awn ve. A kai zat ka thei lo i percentage zei
zah dek an si hnga.

Kum 20 leng tanghra sungh le awn a chiat peng mi Myo (Town) pakhat kan si mi hi Thantlang khuasa lung fim deuh hna nih nan i lung fah pi bak ding a si cang tiah ka ruah. Aluan hmanh nan luan tuk cang. Thantlang khua nu/pa, mino le bochan mi vialte lungfim ngai a za cang i kan ruat awk hrim a si ko cang tiah ka ruah mi;
1. Thantlang cu a mah rup loin boarding
school a tam tuk. Mah nih a langhter mi cu
business mit lawng kan au hna. Fimnak
taktak thazang kan pe kho lo tinak a si.
2. Cachimh thiam saya/mah vialte i funtom in
boarding pakhat silo khuakhan lairelnak
ngeih zokzok ah a tha lai. Khuate lei hmanh
kan tluk ti hna lo hih.

Tutan Tanghra sungh/awn a chuak mi nih fiang put in a langhter mi cu Chin ram huap dih lak in kan nu le pa nih fimcawnnnak ah thazang pek kan der. A kai cuahmah mi sianghngakchia zong an moral a niam tuk. Zuamnak thazang an chuah ning a tlawm deuh ti lang. Cachimtu saya/mah te zong fak deuh zuam kan hau rih. Chin State Cozah le MPs hna nih bia tak tein i hmaithlak ding mi rian pakhat bak a si.

Credit: Pa Mawi (Ronal Pamawi)(Sanghre)

Be the first to comment

Leave a Reply

Your email address will not be published.


*