SARUH CUH UICO( Rel cio ko uh Khah)

✍️ SARUH CUH UICO: A luan cia kum 40 lio ah a tang biazai hi ka rak phan cang (2000 Muko ah an chuah bal cang rua). Ka phannak a ruang zong chim ta lawlaw ko ninglaw:

✈️ 1977 ah Hakha High School umchun ah tang kua ka rak kai. Khuahlun (Sangte) ka pu Ngun Har pa te inn in ka rak kai. Hakha khua taw Haithlan khi vanlawng ṭumnak (airport) ah an hman lai, a thlang i bo (Puantuambo ti a si rua ka ti?) vialte tiang khin chunh chap a hau, ti a rak si i, khuate tampi hmun chunh ah an rak cah hna.

Khenhteo tete an khenh i, a khuakhua in hmun chunh awk cu an rak phawt hna. Hakha peng chung khuate vialte a riak in an rak pok i hmun cu an rak chun. Kei zong ka rak chun len ve. Tuhmui le saphaw he tiah hmun a chun i leivawr hlonh chom in vanlawng ṭumnak ding a chun mi cu vawleicung ah Laimi lawng kan si lai, tiah Laiforum ah le 2017 lio Rezua i CACC BM meeting tan Thawngṭha chim an ka thiah zong ah ka rak ṭial, ka rak chim bal.

🔴 A hnu kum khathnih ah bia kan rak theih mi cu, Hakha a ṭanh lo bawi pawl nih airport ding hmunhma an i cuh i Haithlan cu airport ah an lungtak in an ti mi si lo, tibantuk a rak si. Minung mah vialte an thazaang liangluang kha, zei ruang ah dah hmun an rak chunhter kun hna, ka ti, ka tha a rak uai ruangmang! Cu tlawmpal 1979 ah Mandalay ah (Regional College a rak si lio) college kai kaa thawh. Hniarlawn ka ule Khuk Hreuh te inn um a rem lo ruang ah ruah lo pi in inn ka rak hlang (ihnak fangfang). Rawl tu cu Mandalay Railway Station pawng Chinese Lane ah khin thla khat Ks 120 in zing le zanlei ah ka ke te in kan va ei tawn. Kan pawng ah uico cu rawl le saruh an i cuh i an i seh tawn. Cuti an i seh kar ah uico ṭiaṭum lo tete nih an i cuh hnawh mi cu an ei tawn, an i tlikpi tawn. Haithlan le Uico cu ka rak pehtonh duak i a tang biazai hi ka rak phan. Cu lio ah cun tu bantuk ka rak si lo, ka cafung a rak naal tuk. Khua ka ruah tlawmpal ah biafang nih nga fuan in a rak ka fuan hnawh tawn ko. Khua ka ruah chung cu a rau ngai, nain biazai ka vun ṭial taktak chung cu minit linga lawng ka rau tawn.

⚠️ Kanmah le kanmah kan i theihthiam lo lio, kan i nawlsual lio ah mi cu an i lawm tuk ziar, ti hi hi biazai nih kan ruahter chin hram ko seh!

(Tha Sui Tluangneh)

CNLD An Buai Len Lioah Salai Lung Thli Tum Cu Mi Harsa A Bawmh Cuahmah Ve Hna
=================================
Salai Lung Thli Tum sinah lawmhnak Bia chim cio uh!
Amah phaisa bak ahman ,i mi harsa bawmh ah a vak cuah mah ko >>>>>

CNLD An Buai Len Lioah Salai Lung Thli Tum Cu Mi Harsa A Bawmh Cuahmah Ve Hna E

Thantlang CNLD Party Hrawh Kan Cohlan Lo Tiah Lwl Maung Cung Nih A Post==============================Lal Maung Cung le…

Posted by Myanmar Chin on Tuesday, July 14, 2020

Be the first to comment

Leave a Reply

Your email address will not be published.


*