State Hluttaw menmen ah Salai Ceu B Thawng kan herh lo, Rampi Hluttaw ah kan herh

State Hluttaw menmen ah Salai Ceu B Thawng kan herh lo, Rampi Hluttaw ah kan herh
==========================================
Salai Ceu Bik Thawng hi kan policy ai kalh ngai nain kan miphun caah ai pumpekmi cung ah ka upat ngaimi a si. Anih hi MP ai cuh ahcun mee ka pek te lai tiah 2015 ah ka rak chim bal, atu tiang zong mee pek a phu tiah ka ruah zungzalmi a si ko.

Nain, kan miphun nih amah kan herh khunnak hmunhma (Pyithu or Amyotha Hluttaw) caah i cuh ai tim lo. Vuanci riansang i ruahchannak he cheukhat nih an i cuh tawnnak hmunhma (State Hluttaw) ah i cuh ai tim, amah caah level a niam tuk ka ti. Hika zawn ah cun ka uar lo ngaingai. Ai tinhmi aruang dang zong a um ko lai nain State Hluttaw cu budget phawt ning luala an ceih i caan a dih tawnmi a si, federal kong ceihnak hmun zong a si lo.

Tulio tampi nih an thangchiat ngaimi Thantlang peng CNLD chairman Pu Lal Maung Cung khi Thantlang peng ah CNLD or CNDP a thawn khawhnak ding caah i pumpe bikmi a si. A caan le a ngeihchiah chawva dihlak in party caah a tang. Thih ngamh in an party a dirhkamhtu a si.

Ai pumpek bantuk tein State MP hmunhma pakhat ai ham, ai ham phu zong a si ko. Kianh phu zong a si. A lawngmi hmunhma a dang tampi ko nain Salai CBT nih a lawng lomi hmunhma cengel ai thim khi uar a um lo ngaimi cu a si.

Pu Tial Ling le Pu Zo Bawi zong Zophei an si ko, nain kan dihlak Chinmi kan si ko timi lungput in Hakha peng ah an i cuh ko. Anmah bantuk in Salai CBT zong nih a lawngmi hmunhma ai thim awk a si.

Dirhmun fekmi ngeih ko ahcun peng dang in thimnak luh zong zenh awk a si hnga lo, VP Van Thio zuam cawh zong tih awk a si hnga lo. Uico bantuk in saruh i cuh lengmang ahcun mah le mah i sehnak ah caan a dih kho.

Salai Lung Thli Tum

Be the first to comment

Leave a Reply

Your email address will not be published.


*