Thantlang Khua Mi Pi Za Men Sung Cu Tikir Khua Phaisa Cawitu Phu Nih Tamah Phaisa Chamnak Caah Ting 80 An Cawi I An Cham Duh Ti Lo

Thantlang Khua Mi Pi Za Men Sung Cu Tikir Khua Phaisa Cawitu Phu Nih Tamah Phaisa Chamnak Caah Ting 80 An Cawi I An Cham Duh Ti Lo
=================================================================================================================

(Atang hmanthlak hi Pu Than Tial le Pi Sui Tha Sung an si)

Thantlang khua i aummi Pi Za Men Sung phaisa 8,000,000 cu Tikir phaisa cawitu phu nih tamah (သမ) cham nak dingah an cawi i ni hin tiang an cham duh ti lo hlei pin ah cozah lei zongin azizutpiaknak pakhat hman a um lo.

Tikir khua i aummi phaisa cawitu phu aiawh in Pu Than Tial le Pi Sui Tha Sung cu cozah phaisa tamah chamnak ding ting 80 an ngei lo caah Thantlang i aummi Pi Za Men Sung phaisa cu akarh in ni 8 chung ca in July 5, 2017 lio ah khan an i cawi. Ni 8 calawng in an ti i an ka pek duh ti lo tikah Myanmar Vice President Pu Henry Van Thio phone chawnhnak an ka pek mi number tiang in ka chawn i bawmh ka hal bal.

January 12, 2018 ah khan Vice president Pu Van Thio he cun kan i chawn i phaisa an ka pek duhti lo hlei ah an zei apoi lo tuk lawmmam cang i media ah an mual ka pho hna lai ka ti le; thlah duh hlah an in pe duh hleinak asi lai lo, Laimi le cungah cu bantuk cun tuah ding a si lo, a ka ti. Tikir pastor pa nupi cu Vice President Van Thio nih January 12 ah khan arak chawn than i thil sining cu fiang tein a rak chim. Cu zong ah cun ai hlei lo caah Thantlang Police Station ah report ka tuah than, police nih cun a kan auh i bia an hal hna. An nih zong nih cun pheh lo tein “kan cawi ko kan cham kho rih lo i asi kan cham te ko lai” an ti i kan hngah fawn hna. A hnu ah leiba cu cham loin phaisa an i cawimi akarh ting 12 tu an ka pek.

Cuticun cham hlei cu aum bel lo caah biaceihnak zung (court) ah taza ka cuai than hna. Bia cu an i kam nain ni hin tiang zong an ka cham duh hlei lo. Zeitiawk ka theih lo ah biaceihnak sangbik (high court) ah kal ka duhnak cu thantlang lawyer pa sinain ka chim i khual ka tlawng lio a ka ti i zeihmanh ka tuah kho fawn lo. An i thawh i “Vice president pu Henry Van Thio khua kan si i anmah nih zeiti paoh in a kan tuahpiak khawh” ti hna in an ka hro. “Midang kan hawile a cawimi cio zong nih an pe kho ve hlei cio lo” ti hna in an ka ti salam i ka thin hun le ngeichiat hi ka celh ti ruam lo.

Ni 8 chung ca lawngin an ka cawi i kum khat le thlahnih renglo a rau cang nain tutiang cham a um bal lo. Ka chim duhmi cu hi Pu Than Tial le Pi Sui Tha Sung hi mihrolhrawl le mihlen in khua a sami an si hi mipi nih nan thei ve sual lai lo i keimah bantuk hna in an in hlen ve sual hna lai ti ka phang, Cucaah rak i ralring cio u. Tu zaan lei zong hi tamah phaisa ting 400 (40,000,000) an cawimi an cham kho ti lo i an kawh hna ti thawngpang kan theih.

Fiangdeuh in theih aduhmi caah;
Pi Za Men Sung ph; 09265291779
Facebook; Zamen Sung
Umnak; Thantlang Lungtial sang

Note: Hi kan tialmi cabia hi kanmah nih an tuahmi si loin harnak tongmi hna chungkhar nih kan post piak ding in an kan nawl caah ka post mi asi.

Copy paste (RC Thawng)