Thantlang Township- CNLD Chairman, Pu Lal Maung Cung nih CNLD in “Amyotha Hluutaw” icuh a duhmi nan um ahcun

Thantlang Township- CNLD Chairman, Pu Lal Maung Cung nih CNLD in “Amyotha Hluutaw” icuh a duhmi nan um ahcun min pe ulaw, a lawng eā€ tiah voi 2 a thanh cang. Aho nih an cukha rih lo. Thantlang Peng ah Amyotha Hluutaw hmun cu Pu Henry Van Thio caah ruah cia bantuk a si caah a si kho men.

NLD lei in aa cuh dingmi an thim cuahmah hna. A fiang zong maw, a ifiang cang. Asinain Vice President Henry Van Thio cu Amyotha Hluutaw in aa cuh tthan lai tiah an chim. A ruang cu NLD thiam nih Union ah Cozah an ser ko lai caah Pi Suuh Nih Cabinet hmunhma a pek than ko lai tiah hnabeiseinak an ngei. Cucaah, Pu H. Van Thio hi kianh lawlaw hi an lung ah a um deuh caah a si kho men.

Pyithu Hluutaw tu ahhin CNLD nih fakpi in tanlak an itimh. Cucaah, tulio mino nih an uar ngaimi Salai Ceu Bik Thawng cu aa thawh hnik nain, CNLD Chiarman Pu Lal Maung Cung nih amah caah aa ciah diam cang caah a lawng ti lo tiah biathli an chim. NLD le USDP lei in a rak izuam dingmi hi Pu Lal Maung Cung nih a ngamh pah hna caah a si kho. šŸ™‚ (CNLD offical thawngthanhnak a um rih lo caah aa thleng khomi thil a si rih)

Chin State PM caah hmun 2 a lawngmi ahhin USDP lei in Dr. Hmuh Thang cu a dir tthan lai. Laimi ah pabik in kan ruahmi a si tikah an tei kho te hnga dek maw! Opposition ah a thu thiam ding ahcun, Thantlang caah a fak tuk lai an ti ahcun, tutan cu NLD lei zong ah maw an mit an chiah te. CNLD lei in ahodah an rak dir ve te lai? A dir dingmi pumpak cung zong ahhin mipi nih an mit an chiah te lai. Cucaah pumpak kha biapi ngai an si ve lai.

Zasang Cinzah