Time of Chin News nih “Zasang Cinzah ai palh sual” tiah an von ttialmi ka hmuh i, NLD election Manifesto chung ah aa ttialmi ka chim ko caah, cucu palh maw a si ko hnga tiah tawite in fianternak ka von ttial ta duh.

Time of Chin News nih “Zasang Cinzah ai palh sual” tiah an von ttialmi ka hmuh i, NLD election Manifesto chung ah aa ttialmi ka chim ko caah, cucu palh maw a si ko hnga tiah tawite in fianternak ka von ttial ta duh.

NLD nih tuah an duhmi Manifesto/policy an chuahmi ah Consitution remhnak/amend kong hi chapter pahnihnak ah an ttial. A chung ah points 6 in an langhter. A point 2nk ah an ttialmi cu “To guarantee Ethnic Rights and Establish a federal democratic Union” tiah an ttial. Laiholh in leh ahcun Ethic/tlangparmi Covo/rights amakhan khawhnak dingah, Federal Democratic Union kan ser lai ti a si hnga. Cun, NLD policy cu tling deuh in naite avoi 4nk Conference ah Pi Suu nih points 5 in a chim than. Cucaah, Dr. Lian Hmung Sakhong zong nih CNF kan policy kha a chim ve tiah a ti kha a si. Cucaah, Chin miphun nih kan duhmi mahte in iuknak ngeih khawhnak Federal union dirh cu NLD zong nih an duhmi le an policy a si ve ko tiah ka ruah. An tuah khawh le tuah khawhlo lehlam cu phun dang a si hnga. Union Accord III min an thutmi kha ka peh ta lai. 🙂

Naite Union Accord min an tthutmi kha, NCA ning tein a si. NCA hi chapters 7 tiang a um. Chapter 5nk ah an ttialmi cu “The Political Roadmap” an ti i, tlangparmi nih an duhmi a tlin khawhnak hnga phunghrampi remh tiang an phaknak ding, an ttuan hnga dingmi cu a dotdot tein, dot 7nk tiang an ttial. A dot 5nk ahhin “Signing the Union Acord” timi a um. Dot 6nk hi ” Submitting the Union Accord to the Union Hluttaw for ratification” tiah an ttial. Cucaah, atu hi a dot 5nk tiang cu an phan tinak a si. A dot 5nk belte hi an rau pah rih lai. Zeicatiah, Political muru a si cang lai.

Tlangparmi le NLD Cozah nih an policy ning tein, Federal Union ah State Consitution aa telmi, Union Accord min an tthut khawh tikah, min an thutmi Union Acord nunter ding in Hluttaw/Parliament ah an submit te lai tinak a si.

A cheu nihcun, Union Accord hi tlamtlamtling in an ser khawh zong ah nunnter dingin hluttaw ah an submit tik ahhin Hluttaw nih reject khawh thiam a si an ti. Asinain, Union Acord cu ralkap he, Cozah he, tlangparmi he dihlak duhmi a si cang lai caah, hluttaw ahcun automatic in a pass cang ko lai. Hluttaw cu Union Acord nunnak lawng a si lai tiah a cheu nihcun an ti ve.

Cucaah, Union Peace Process kong ruah ahcun NLD nih Central Cozah an ser rih hi Tlangparmi caah a biapi tuk tiah ka ruah. Cun, tlangparmi party in Pyithu le Amyotha ah a tlingmi vialte zong nih USDP nih cozah a ser nakin NLD nih Cozah a ser hi an duh deuh cio lai tiah ka zumh. Cucaah, Chin Party in Amyotha le Pyithu an tling hi NLD tling he aa khat ko lai tiah ka tinak kha a si. 🙂

Zasang Cinzah

Be the first to comment

Leave a Reply

Your email address will not be published.


*