Vok zuat kan rim dih ko cang lai hi teh!

Vok zuat kan rim dih ko cang lai hi teh!

===================

 

Thantlang ah vok 1000 hrawng an thi cang! Inn khat ah vok 20, vok 15, vok 10, vok hnih thum a thimi an tam taktak! Vok a thimi buaktlak in tuak tikah ting 3000 leng man kai a si. Cucu inn kip cio nih lung thin fak ngai in tuar cio a si! Saram zung lei tuanvo ngeitu zong nih zeiti tuanvo lak awk an hngalh ve lo caah vok zaw mi poh cu thih bawh in hngah cio a si!

Cucaah tuanvo ngeitu nih Market ah vok sa zuar an kham! Voksa ei a ngah lonak thla hnih thum si cang!
Vok zua mi nih khual ah zuar awk zong a that Lo pin ah zuar ngam a si hoi Lo!
Sahrawm zong in tuan deuh ahcun an thah pah nain atu ahcun thah ngam si ti hoi lo!

Vok a zaw mi Thantlang khuapi ai zul peng, a reh kho ti lo! Fur pi ruah nih a tlengh lai le a thiang te Ko lai tiah hlan lio Lai khal ruahnak phun in kan ruah cio nain Atu zong vok an zaw Peng Ko rih!

 

Cucaah vok zuami thinphang in um dih a si. Vokfa ngeimi an zuar kho ti lo! Vok a dam rih mi zong zuar awk le thah ngam si lo . Rak zaw ziar cang Hna seh law kan hngalh ttung lo tiah vok sa Ei hrimhrim kan tih dih cio! Atu Ning in kan kal Peng Ko rih I vok pul rai a thiang kirker lo ahcun voksa hohmanhnih Ei ngam a si ti lo! A dam bakmi si Ko tiah Market I an zuar hmanh ah a caw ngam ding phun in kan um ti Lo.

Vok zawtnak Kong le a thimi fimtawl Ning kongah khuabawi lei nih tlang an au hlan ahcun hor kuang ah hlonh a tam ngai nain Atu hnu ah khur cawh in phum deuh an hung si! Vok him deuh hna seh tiah a dang deuh in chiah mi zong zawtnak nih a phanh hna I an thi tthiamtthiam! Zei Ti ralrin awk a har taktak! Thopaw nih zawtnak a phurh khawh an ti!Vok zawtnak Kong a hngal mi kan si lo caah Za rih seh!

Khah cu ti si ah hitinmaw kan um Peng lai? Vok a dam rih tiah ruahmi sa zong Thantlang vok si poh cun Ei ngam lo in maw kan um peng lai? Vok zuar cu tuk cang mi zong hitin maw kan zuat peng lai? Ei lo sa an lo cang! Khua dang ah khual ah kal pi cu chim lo, vok kawm dang tthial ngam hmanh an si lo tikah tu hnu Kum khat hnih cu vok zuat kan rim dih cang Ko lai Lo maw?

Cozah lei nih a lam cu an kawl cuah mah ve ko lai dah! Cu Lo cun Vok zuat kan rim dih cang lai hi teh!

Tahlak nihchuak bia pakhat : vok zaw mi chungkhar Hna Zeiti hnemh awk hngalh lo ah kan Vok a zaw atimi cu aw si maw an thi Ko lai cu, sii zong chunh ding si lem lo ti phun a hau cang!

Copy (CBN)

Be the first to comment

Leave a Reply

Your email address will not be published.


*