Chin tlangholh hi Falam ( Laizo holh ) a si te men lai

Chin tlangholh hi Falam ( Laizo holh ) a si te men lai
_____________________

Social media ah Laizoca in thawngzamhtu an hun karh ngai. Kan rel a tam deuh le kan theih a tam deuh nana ahcun Falam holh rumro in hun holh khi hiar a um cang. Kalay le a kiangkap hrawng hna le bang cu Falam holh nih a cilh dih cang ti ko usih.

An nih Falam lei khi Falam deuh nih tleihmi Facebook Group ahcun Hakha ca an phih bak. Kan Laizoca an chilh tuk sual lai ti an phang ngai. An lungput cu ka uar lawlaw. Falam MP Zung Hlei Thang nih Falam peng chung ah miphun dang ca cawn lo ding in hlutraw ah a rak hal. State cozah thu siseh an rak ti. Miphun dang ca cawn lo ding a ti duhnak khi mirang ca maw si Kawlca maw si ti len a hau lo. Hakha ca a si ko. MP ahcun ka uar pawl a si😛.

A tu bantuk tein Falam nih an holh an ca an kilhkamh i an facebook group ah siseh, an peng chung ah siseh mi dang holh a luh khawh lonak ding an kham i mi dang sin ah an holh an karh ter khawh peng ahcun Laizo holh hi a kau chin lengmang lai i tlangholh ah ai chuah kho.

Andrew Tum Tling post mi lak chin mi a si.