Cybersecurity Officials: “Tutan Election hi US Tuanbia Chungah a Himbikmi a si”

Cybersecurity Officials: “Tutan Election hi US Tuanbia Chungah a Himbikmi a si”
===============================================================

“Kan hnung zarh i presidential election kan tuah mi kha US tuanbia chungah a himbikmi a si. Cucaah zeibantuk voting system hmanh hnahnawh a tong lo, ti a fiang,” tiah Thursday i hmunkhat biachimtinak (joint statement) an ngeih lio ah Top government security le Election officails pawl nih thawng an thanh.

“Vote kongah dehhlennak a um,” tiin hrihhram um lo piin Trump nih a tu le tu te a chim ruangah, tutan biachimtinak ah ai telmi Cybersecurity le Infrastructure Security Agency i rengsang official si hna seh, Department of Homeland Security i officials cheukhat si hna seh, cun top election officails tampi hna nih Trump cu faak ngaingai in an mawhchiah.

Khat le khat an i tluktuknak states le bangah hin cun mipi hna an counts pawl hi election officials pawl nih voihnih tiangin an checkpiak hna i, vote an rel lio tiang zongah security le ralrinnak an chappiak rih hna. Voting system delete a si, asiloah vote a tlau, asiloah vote an thlen, asiloah phun khatkhat in hnursuan a tong, timi tehte pakhat hmanh a um lo, tiin officials pawl nih cun an chim.

Kan election kongah thawngpang diklo thanh khawhnak lam siseh, cun mit in hmuh tung lo mi zawndamh in chimmi tampi a um, ti cu kan theih ve ko. Asinain, election kong i kan security thazaang hi cu vun zum ko u, tiin cah kan in duh hna. Biahal ding nan ngeih a si ah cun, election tawlreltu dingin kan zumh i rian kan pekmi hna election officials pawl hi vun hal ko hna u, tiin an chim.

Thursday i Cybersecurity and Infrastructure Security Agency (CISA) ah assistant director Bryan Ware a rian an phuah hnu ah a tu bantukin bachimtinak an tuah hi a si.

Mail-vote pek hi cu dehhlennak in a khat mi a si, tiin Trump nih hrihhram ngei lo piin a chimmi cu Mr Ware le a dang CISA senior officails pawl nih an dirpi, aupi ve lo caah Trump a thin an phawh ngaingai.

“Dua le hna, Election a dih le cangka rianphuah dingmi cazin chungah Trump cozah nih an kan khomh ve sual lai, ti lawng kan phang ko hi teh,” tiin cybersecurity senior officials pahnih nih an riantuanhawi pawl sinah an lungretheihnak an chim.

Phuah ding mincazin chungah hin FBI director Christopher Wray ai tel. Wray hi Russia hnursuannak nihchuakmen a si, tiin Trump nih a chimmi a dirpi duh lo tu a si. Cun, CISA director Christopher C. Krebs zong hi cazin chungah khumh a si ve. Anih zong nih hin mail-in vote hi a him lo, dehhlennak tampi a chuahter khawhmi a si, tiin Trump nih a chimmi a pompi lo tu a si.

Kan hnung zarh ah khan CISA nih thawngpangdeu dohnak dingah “rumor control” (biachawkvaak runvennak) website an bunh, taar. “Cun election phichuak tlai hnu i thanh a si mi zong hi a um phung a si, thil ai ningcanglo ruangah a si lo, ti hi vote petu nih nan theihthiam a hau lai,” tiin cybersecurity officials nih ca an tial hnu ah an cungah Trump a thinhung ngaingai, tiah theih a si.

Votepetu pawl votepeknak hmun an kal ni 9 hnu tiang zongah cun, Trump cu a sungh a khaan duh rih lo i, Biden kut ah rian apnak tuah dingmi zong a nawicawt i, national intelligence lei nih thawngpang biapimi Biden sin thanh awk tha lo in a khampiak.

Chelsea Bawi

Be the first to comment

Leave a Reply

Your email address will not be published.


*