Tutan 2020 thimnak result zeimawzat ka theih cu ka ngaih chia bak ko

Tutan 2020 thimnak result zeimawzat ka theih cu ka ngaih chia bak ko.Nain CNLD nih mah miphun dawtnak kongah lungput (Mindset) in teinak kan co mi ka ruah ah kaa lung hmuih than.Party hruaitu hna le candidate hna le mino vialte le vote a petu vialte upatnak kan pek hna.CNLD mino hna nih khi lei thlichia a hrang mi kha hi lei ahhin kan lungthu le kan tappi cu a si tiah khua kip ah muko an tum thawng cu Chin ramleng tiang a cul dih i lung a hmui kho tuk.

Democracy i a hrampi le a muru cu minung nih kan ngeihmi covo zalong tein kan hman khawhnak cungah hram a bunh mi a si.A bik in cu kan miphun covo kan hmuh khawh thannak ding caah kan i zuam.Cu ruangah kan miphun identity a si mi โ€œChinโ€ party CNLD kan dirpi.A cozah a ser kho dingmi va tanh khi kan mit a thi naisai lo eh.Zeicatiah a sung deuh mi thil kan i tlaih.Kan i tlaihmi le kan i timhmi hmailei kan nor khawhnak ding caah CNLD cawlcangnak hram kan thawk khawh hi teinak a si ve ko.Cozah tlaih lo zongah caan karlak ah miphun caah tuah ding tampi a um liangluang ko.

Tuzan cu mitku sii he it phawt ko ning! Thaizing cu ni dang a si te ko lai.

Salai Tin Maung Win

Sanghre tial mi>>

Tutan kan Chin ram thimnak cu US nak in an zoh a nuam deuh. Nan lungthin zong a pical deuh.

A sung mi zong nih lungthin pical ngai he lomhnak nan chim khawh. Nan rel khawh. Alangpar in an rak zoh tu hna caah a nuam. Kan ram democracy kalning a tha chin thluahmah ko.

Teitu a hmu mi zong nih nan i zuam cawh mi palai zongah upatnak nan pek hna. Zoh a dawh tuk hringhren.

CNLD he NLD he teinak a hmu mi vialte nan dih lak cungah Big Big congratulations nan si. Rian lianpi mipi nih kan in pek hna. Kan Kawlram hmai ah na miphun cawisan dingah kan biak Pathian nih mipi hmang in an thim hna.

2021 – 2025 chung cu mipi he neih niam tein rian a tuan kho zungzal mi MPs kan si piak hram ko hna uh.

Be the first to comment

Leave a Reply

Your email address will not be published.


*