US Independence Day 2020: July 4 Puanzarphen Tuanbia

US Independence Day 2020: July 4 Puanzarphen Tuanbia
===========================================

Nihin July 4 cu America Independence Day asi caah a tuanbia tawite zapi nih kan theih khawh nak dingah kan vun tial, nan I thathnempi lai kan i ruahchan ngaingai.

July 4 hi America ca i ni sunglawibik ah ai tel. USA pumpi cuul in phengphang puah thawng le ralkap pawl an cir len lio caan a si.

USA ai thawhkehnak hi 1776 ah khan a si i, Independene Thanhnak an tuahnak cahmai copy an tuahmi cu Washingon DC ah a ummi National Archives ah zoh khawh in an um.

USA nih a luatmi le mahtein ai ukmi ram an sinak philhlonak ah, tiin July 4 hi rampi nih an ulhmi ni ah an fehter.

Independence Day a Puanzar pinlei tuanbia hi zei ko dah a si?

Hlanlio phung hmangin Independence Day tuah an thoknak hi 18th century le American Revolution (tawhlanzi) an tuah lio tein khan a si cang. British pawl hi America continent ah hin 16th century tein khan an um cang i, American nih British uknak cu an chuahtak.

Cu lio caan ah cun America hi colony 13 ah then a rak si: New Hampshire, Massachusetts, Rhode Island and Providence, Connecticut, New York, New Jersey, Pennsylvania, Delaware, Maryland, Virginia, Carolina le Georgia. Britain sinah ngunkhuai an rak pek.

American Revolutionary War avoihnihnak raal an thawh lio ah, July 2, 1776 ah Great Britain pennak chungah a ummi North American colonies 13 (Colonies’ Second Continental Congress, ti zong in theih a rak si) cu an i fonh hna siangpahrang pennak kut chungin kan luat cang, tiin anmah tein luatnak caah vote an i pe i, the United States of America, timi min bunh in ram an dirh. American Revolutionary War hi 1775-1783 tiang a rau.

Cu ti i mah le mah luatnak pek in vote an thlak hnu a ni hnih hnu Juy 4, 1776 ah cun the Declaration of Independence min an thut colh ve. Cu capar cu Thomas Jefferson nih a tawlrelmi a si.

Mr Jefferson hi Virginia mi sihni le hramthoktu a si i, 1801 le 1809 tiang US president 3nak a hung si.

Independence capar a tawlreltu lakah hin Benjamin Franklin, John Adams, Roger Sherman le Robert L Livingston zong an i tel.

The Declaration of Independence capar chungah cun: “Mi vialte hi rualrangtein ser kan si i, hnon awk a tha lo mi nuhrin covo kan i ngeih cio hna, timi biatak hi kan i tlaih. Cu hna lakah cun nunnak, zalonak le lunglomhnak kawlhawlnak te hna i an i tel.” (We hold these truths to be self-evident, that all men are created equal” and have “certain unalienable rights” – among them “life, liberty, and the pursuit of happiness”).

Asinain, an capar chungah cun, ramhlum (native) American pawl hi thlachiat a ruat kho lo mi ramlak minung bantuk in a langhter ve i, dohdalnak chuahpi dingin American sal pawl King George nih an taw a sawh hna, tiin sual an phawt.

North America i buaibaknak vialte donghter dingin 1782 ah British Parliament a lung a tling i, a kum vui lila ah Treaty of Paris (Paris Hnatlaknak) capar cungah an party dihlak in min an thut i, cu ni thokin cun Great Britain nih the United States i a nawlngaihnak cu a cohlanpiak i, raal zong a donghter colh ve.

July 4, 1776 boruah nih cun vawlei pumpi i colonial uknak in luat an duh ve cio nak kha an vun langhter ve lulh hna. South America ah a ummi Venezuela zong nih 1811 ah Mr. Jefferson capar hmangin Independence darkhing an tum ve i, Venezuela peng le kulh vialte hna hi a luatmi le amah tein nawl ai ngeihmi le zalonnak a hmumi an si, tiin an vun thanh colh ve.

1870 lio ah khan cun Independence Day hi Congress nih official holiday sawhsawh in an rak kalpi i, cu ni i rian a tuanmi pawl cu thlahlawh pek an rak si ve lo. 1938 ah khan cun riantuantu an um a si le hlawhman pek an si ko lai nain, rampumpi holiday cu a si ko lai, tiin an namhneh.

American nih zeitindah an don, coronavirus nih tukum Independence Day hi zeitluk in dah a hnursuan lai?

Kumpi kum 240 a rauh hnu tiang zongah, July 4 cu American pawl an luatnak ni ah pom a si peng ko. Phengphang an puah hna, ralkap pawl an i ceer hna, hlasak zuamnak le chungkhar rual i tonnak ni, barbecue tuah ni a si peng ko rih.

Rhode Island ah a ummi Bristol ah hin Independence Day puai an tuah a saubik tawn. 1785 tho tein khan puai a phunphun an tuah cang. June laifang tein an thok cang i, July 4 tiang, meng 2.5 chuangthluak ralkap pawl an i ceer, cu hnu ah bawlungchuih nih a zulh colh tawn.

Virginia ah a ummi Mr Jefferson a inn ah hin Inpendence Day a cam fatinte kum 50 renglo chung an tuah tawn i, vawleicung khuaza ramkip in a rami pawl cu US citizens ah an canter tawn hnanak hmun a si. Rolung an bunhmi pawl ah cun a senzong, a raang le vandum zong in meiceu an vaan lulh hna i, White House ah hin phengphang puahnak buai ngan taktak an tuah zuangzal tawn. NY ah a ummi Macy’s fireworks ko hi US ah cun a minthang bik pawl a si.

Sihmanhsehlaw, tu kum belte cu, coronavirus ruangah, puai an don ning cu ai phungdang ruangmang ai. Social distancing tuah a si i, puaitakmi a phun tampi hna cu an letter hna i, mipi pawl cu sibawi pawl fimchimhnak tangah an cawlcang hna.

Massachuesetts in Florida, Florida in California tiang phengphang puah an khap hna, phengphang an puah zong le amah le an mawtaw cung cio in puah i, zapi himnak hnahnawhpek lo dingin bia an beuh hna.

Puaituah dingin khual nan tlawn a si le, mask nan i huh lai i, social distancing nan tuah lai, cun nan phaaknak hmun cio ah virus check an rak in tuah hna lai, tiin fim an chimh hna.

Chelsea Bawi.

Be the first to comment

Leave a Reply

Your email address will not be published.


*