Breaking News: Kawl Ralkap Nih Helikopter In An Mah Kawl Ralkap An Thah Dih Hna

Kawl Ralkap Nih Helikopter In An Mah Ralkap An Thah Dih Hna

======================================

Sithdwi Myeoh  ah zanlei Suimilam 7 hrawng ah Tilawng in kawl ralkap le Palik le mi sawhsawh tiin an kal lioah AA hriamtlai 30 hrawng nih meithal an puah hnawh hna i an tlaih dih hna.

Cu pawl chanh dingah kawl ralkap nih nihin kha Helikopter in an dawi colh hna i an tlaih mi pawl cu AA nih tilawng fate in an thial cuahmah lio a si ve. Cu tikah kawl ralkap an kah ciammam hna i an tlaihmi kawl ralkap tampi le Palik le misawhsawh cu tampi an thi i AA hriamtlai zong an thi chih tiah anmah AA bak nih an feh tet.

AA nih an tlaih mi hna hi, kawl ralkap 14,Palik 29 le cozah riantuan 2 le mi sawhsawh 13 an si i an dihlak in 58 an si. AA nih tilawng a fa mi pathum in an mah hmunram leiah an thial cuahmah lio kha Kawl ralkap nih a hmuh tikah kah thlorh in a kah hna. Tilawng 2 cu a ciam vak in a ciam i an dihlakin an thi dih. Tilawng pakhat ai cit mi tlawm te lawng an tang i cuhna cu AA nih a kal pi hna tiah theih a si.

AA thiltuah cu kawl ralkap nih minung covo a buar tiah a ti i AA he ai pehtlai mi tampi zong kawl ralkap le Palik n8h a tlaih ve hna.

Chirchanh (Mizzima)