KIA Hriamnam Chiahnak Bawk A Puak | CBN

KIA Hriamnam Chiahnak Bawk A Puak | CBN

Kachin Independence Army (KIA) Central nih an hmunhma pakhat a si mi ;le an hriamnam an chiahnak Bawk (Kudaw) innpi umnak Kya Khawng Htu cu September 21 zingka ah a puak tiah KIA thawngthanh nih a thanh. Hi kong he pehtlai in Irrawady News ah KIA in chimrelnak nawl ngeitu Colonel Naw Bu nih hitihin a chim.

“Hriamnam kilvennak ca ah daithlanak tete aa tel. Ceiling Wire hri a kang i, cu ti cun mei kang in puahkehnak a chuah hi a si. A hramthawk ahcun meikang phalh in kan phalh ko nain, a hnu ah hriamnam a puah lai phan tikah a hohmanh in kan phal ngam lo. Cu ruangah hiti puahkehnak a chuah hi a si”

tiah a chim. Hi Bawk inn hi hriamnam kan hman setsai lomi pawl chiahnak a si tiah a chim chap. Social Media cung ah KIA hawikom AA nih bomb an hmanh i a puak mi a si tiah thawng a chuak. Cu pin ah Kya Khawng Htu in puahkehnak a chuah lio Video cu Social media cung ah a chuak i, thawng phunkip a chuak mi zong a um ti a si.

Hi kong he pehtlai in KIA nih thawngfiang thanhnak an tuah. Hi Bawk inn puahkehnak ruangah minung ai hliam khawng an um lo tiah theih a si. KIA hriamchiahnak Kya Khong Htu hi KIA General Headquarter Laiza he ai naih te ah a um i, mawtaw in minute 5 chung kal hrawng a si. KIA ralkap zung pi zong hi Kya Khong Htu ah a um.

Source: Irrawady

Copy( CBN)

Be the first to comment

Leave a Reply

Your email address will not be published.


*