Ngeih A Chia Tuk: Thil Dik A Chim Ngam Tu Palik Bawi Thong An Thlak TaktaK Cang

Ngeih A Chia Tuk: Thil Dik A Chim Ngam Tu Palik Bawi Thong An Thlak TaktaK Cang
===========================================================================

Reuters thawnglatu pahnih nih Rakhaing rm Muangdaw ah thawng an lak i cu lio ahcun kawl palik le ralkap nih mi sawhsawh an thah lio hna fiang tein an hmuh. Cu hna pahnih nih media in thawngpang an zamh dih lai timi kawl ralkap nih an theih caah an mah cu tleih an duh hna.

Tleih khawh nak ding caah tiin an mah Palik lila nih Ralkap le Palik kong aitel mi catlap pawl kha cu Thawngla tu pahnih cu an va pek hna. A dang Palik nih an kal hnawh than i cu catlap cu nan i ngeih khawh hna, tiin an tleih hna. Reuters thawglatu pahnih nih kan mah lakmi a si lo tiah biaceihzung ah an chim ve. Cu kong fiang tein a thei tu palik Meo Yan Ngai nih biaceih zung ah biadik cu a phuan, Palik nih tleih an duh hna caah tuah hramhram mi an si ko, hiti ka chim tik ah mipi mithmai zoh bu te le upat bu tein ka chim tiah biaceihzung ahcun a chim i mi tampi nih an thangthat tuk lio ah Palik nawl zulh lo ruang ah tiin amah tucu kumkjat chung rianhrang tuan ding in thong an thlak ruangmang cang.


Nawl ngeih lo ruang ah timi le Palik zulhphung a buar ti ruang ah a tu bantuk in thong an thlak hi a si. Cu lawng siloin palik zong an phuah chih cang tiah theih a si fawn.

Kawlram hi cu ruahtik ah mino caah hmailei ruahchan nak a tlawm tuk hrinhran ko. Biadik le biahman zong chim ngam a si lo i ralkap le palik nawl ngeihnak nih mipi cu a kan hip ko timi fiang tein hmuh khawh a si.
Palik bawi Moe Yan Naing hi a chungkhar he zong an tonter ti lo i a chungkhar pawl zong an umnak palik inn in an thawl ve cang hna.

Hi tluk biadik a phuang tu le mipi mithmai zoh in rian a tuan tu Palik pa caah ruah piak ahcun nheihchia tuk a si . (7Daydaily)