Lamkam ah hlonh a simi fapa hi hringtu a nu nih hmu sehlaw a ngeihchiatuk hnga mu

Nu pakhat nih a caan cu duhsalam in a hman. Vawlei cu a caah nuamhnak in a khat i, a takpum cu nikhat hnu nikhat in a rawk duhmah ve. Muidawh a sinak kha an duh i muidawh pakhat a si ve bantukin midang ca zongah an diriamhnak a pek khawh hna.

Ni le caan an hungliam chin lengmang ti kha a rak hngal lo ruangah apaw cu a ngan duahmah i fapa pakhat a thlithup in a hrin. Nuamtak in vawlei caan a hman lioah khan ningzah a rak hngal lo. Sinain nihin ni ahcun a paw ruangah ningzak in a um cang.

Khi tikah a chungchuak fapa te cu a hlonh i lodiam a kaltak. Ngakchiapa te caah bawmchaantu midang a ho hmabh an um lo maw. An um hrimhrim lo. Ziah vawlei mi nih an bawmh lo. An um hrimhrim lo. Rawl le Ti zeihmanh dinawk a nei lo i hnukhaang zong a nei loin amah lawng a um cu zeitlukin dah tuar a har hnga mu.

Ram lak ah hramh nih a hriah i ngakchia bawhte ni a tuar faktuk caah a tap. Nain bawmchaantu hohmanh vawlei ah an um lo. Sihmanh sehlaw a caah bawmchaantu pakhat cu cungnung Pathian hi a si. Amen.

Nu nih a hlonh nain Van ah a um mi a nung Pathian nih hi ngakchia bawhte hi a kaltak hrimhrim lo.

Note : vawlei ah hlonh va si hmanh law zeitikhmanh ah an kaltak bal lotu Pathian kan nei kha philh hrimhrim hlah.