Mi cungah dawtnak a neimi cu Pathian nih an cungah dawtnak a neih ve hna

Vawlei cungah a fawi bikmi cu pakhat le pakhat i dawt hi a si bantuk in kha nakin a fawi deuh thanmi cu pakhat le pakhat i huat le i rem lo hi a si. Cucaah vawlei cungah hin zeihmanh a hmun dingmi thil a um lo ti hi thei cio hna uh sih.

Midang nih na chiatnak na kong an ceih ah khan an diriam i kaa thaw taktak in na chiatnak kong le na țhat lonak kong hna cu an in ceih nai theih tikah na thin a hung ve i nang zong nih midang sinah na chiatnak kong a chimtu hna kha an dihlak in an țhatlonak le an chiatnak kong hna kha na chim ve cang. Pakhat le pakhat nan i daw kho ti lo i irem lonak le huatnak in nan khat dih. Cucu minung phung a si ko tiah nan ruah ko lai. Mi kong ceih. Mah kong ceih cu nan i huat i nan irem lo nan mawh bak lo.

Thi deng in na zawt i rawlei kho loin na umlio caan ah khan Bawipa Bawipa ka damter ko tiin na auh i na fuhpanh kha nai thei ti maw. Pathian na auh lio ahkhan an kaltak lo si ko lo maw. Na thihdeng i lamkam ah na um hmanh ah an kaltak bal lo tu Van ah a ummi a nung Pathian a si lo maw. Hitluk an dawtnak hi nai fiang taktak ko a si ahcun na chiatnak kong a ceih i na thatlonak kong a chimtu hna hmanh kha minung ting 10 um hmanh hna sehlaw na hua hna lai lo.

Sifak le sifak an i daw kho i mirum le mirum buainak a chuak kho. Sihmanhsehlaw kan nih Khrih a zuummi hnanih cun pakhat le pakhat irem loin um awk kan si tung lo. Kan nun ah Khrih muisam cu zeitun dah a cuang kho lai.

Kutdok a simi nih lamkam ah a paw caah kut a dok kha kutdok a si vemi pakhat nih a hmuh tikah a zaangfak i kutdok chom in a hmuhmi phaisa 2 chungah 1 a pek ve. Nang le keizong Khrih ah pumkhat a simi nih cun idaw le rem te in umtti ding kan si.