Vawlei mit ah mi thurhnawm ka si hmanh ah Bawipa nang cun na kan kawl

Vawlimi nih sifak le santlai lo hna kha an hua hna i an rem hna lo. Uktu le bawi a simi le mirum hnanih cun sifak santlai lo hna kha an tlaih hna i taza an cuai hna. Vawlei mi nih muidawh samthlairem an kawl i an dawt hna. An hnamh hna. An pom hna. An kuh hna. An lawmh hna. Cuticun vawlei rumnak le nuamhnak ah caan an rak hmanpi hna tikah an nun chung caan ah nuam le lawm in vawlei cungah khua an sa.

Sihmanhsehlaw Bawipa nang cun vawlei mit ah duh a nung lomi. Misual le mipalh zeirel lo te na kan kawl i na taang nem cungah na umter. Eiawk neiloin ka umlioah thlarau rawl na ka pek. Ka tihal caan ah naiden na ka pek i ka dang a carmi ah tidor na ka toih piak. Amen.

Vawlei ah umnak nei lo le harsat rawltaam tihal in kan um lio caan ah lungdongh vansang ngai in kan rak um ko. Sihmanh sehlaw kan hmailei lamthluan le kan karhlan nak ding caah khua a kan khaan piak tu cu a nungmi Pathian kan biakmi kan Pathian lawnglawng hi a si caah a min thangțhat um ko seh. Lungdongh vansang in na um lio caan zong ah hica te hi rak rel law thazaang rak la ve.