Cozah Bawmhnak Kan Hmu Deng Maw?

Cozah Bawmhnak Kan Hmu Deng Maw?
******************************** ********
White house chief of staff Mark Meadows, Secretary of Treasury Mnuchin, Democrats Senate leader Chuck Schumer le House Speaker Nancy Pelosi hna cozah bawmhnak kongah nichiar te tonnak an ngei nain tuchun tiangah kap hnih lungtlinnak an ngei kho hlei lo. “Thaizing tiangah biachahnak kan tuah khawh lo ahcun hmai zarh chung zong congress meting ngol loin kan pehzulh lai” tiah Senate Republican hruaitu McConnell nih a chim. A tlangpi in kaphnih lungltinnak a ngeihmi cu, avoi 2nak bawmhnak chek minung pakhat $1200 le fale minung pakhat ah $500 timi kha cu an lungtling, a tam hmanh a tam deuh kho. Republican Senator Marco Rubio hruainak in Senator minung 5 nih ngakchia cu minung pakhat ah $1000 tiang ngah dingin bill thar an chuahpi. An lung a khah khawh lonak phaisa phawtzamhnak kongah a si. A tlang pin in State cozah bawmhnak, federal cozah nih zarhkhat ah $600 chapmi bawmhnak le sianginn onnak caah fund peknak kongah a si. President Trump nih kap hnih hnatlaknak tuzarh chung in a ngeih khawh lo ahcun rianngei lomi zarhkhat $600 chap chihmi cu executive order chuah in ka pek hna lai” tiah a chim.

US Cozah Nih Intercontinental Ballistic Missile An Test Khawh
*************************************************
US ralkap nih California state, Vandenberg Air Force Base in Pacific rili cung in North Korea ram in China le Egypt ram tiang a phan khomi, missile an serchuah khawh cang. Cacawn nihnih ni ah an khan an hneksak I a tlamling an ti. Cucaah California ramkulh in Tuluk, North Korea le Egypt tiang hmanh khi um hmun in kah khawh a si lai tinak a si. Meng 8000 renglo a hlat nain an in tinhnak hmun tha tein an khen khawh ti a si. Mah missile cungah nuclear bom an thlai chih ahcun vawleicung khoika ram an duhnak poah an kah khawh cang lai tinak a si.

Historian Allan Lichman Biaphuan
************************** *******
US president thimnak kongah a biachim mi a dik lengmang mi ah minthang pakhat a simi Allan Lichman nih 2020 US thimnak ah Joe Biden nih Donald Trump a tei lai tiah a zumhnak kong MSBC interview ah a chim. Allan Lichman nih US president thimnak 1984 kum thawk in kum 2020 thiang a chim chungmi vialte a hman dih ngawt an ti. Bush le Al Gore dah ti lo a palhmi a um lo ti a si. 2016 US thimnak zongah President Donald Trump nih a tei lai tiah a chim chung i tei taktak. 2020 ah President Donald Trump a sunghter tu cu Coronavirus le George Floyed thihnak ruangah a si lai tiah a chim. Allan Lichman cu American university ah Historian professor a tua liomi a si.

US Rian Ngei Lo le Coronavirus Thimi
************************** **********
US ah coronavirus ruangah rian ngei lomi minung 55 million kan phan. Kan hnuzarh chungah unemployment benefit a sawkmi minung 1.2 million a si. Virus ruangah a thimi 161,679 an si. Texas, Alaska, Montana, Michigan, Ohio, Virginia, South Dakota le West Virginia ah tlawmpal a karh than an ti.

Salai Lai Ram Thang

Be the first to comment

Leave a Reply

Your email address will not be published.


*