Laimi cheukhat catial le comments ka rel tikah Trump hi Pathian bantuk ah a ruatmi hna an um rua ka ti

Laimi cheukhat catial le comments ka rel tikah Trump hi Pathian bantuk ah a ruatmi hna an um rua ka ti πŸ™‚ An hei ttanh khawh tuk ning cu a mak. A cheu cu Trump cataarmi ah Laica tein an comment ve tawn i, uar an um tuk πŸ˜‚

2016 lio ahhin Trump hi ka tthanh ngai ve. A tei lai tiah ka rak zumh fawn. Nain 2020 ahcun a sung lai tiah ka zumh bak cang. CoronaVirus 😷 a von chuah ahhin a dirhmun a hman ti lo.

US President tuanbia zoh tikah Presidents a ttuanmi kip nih harnak/ challenging πŸ˜₯ an tong cio. Bush chan in kan zoh ahcun World Trades Centers a tlu. Osma Bin laden a tho. War on Terror an phan. Obama nih a von chan i Bush nih a thah khawh lomi Osma Bin Laden a thah. Asnain Iabma caah Terrorist thar/ ISIS an tho tthan. Obama cu Trump nih a von chang ve tikah, Trump nih ISiS cu a daihter ve hna. Asinain CoronaVirus nih a von phak tthan ve. Joe Biden nih zeibantuk challenger dah a ton ve te hnga?

2016 lio ahkhan Trump nih teinak a rak hmuh ahhin Pathian remruat a si ko lai tiah ka rak zumh ngai. Abik in US Supreme Court ah judge πŸ‘©β€βš–οΈ πŸ§‘β€βš–οΈ πŸ‘¨β€βš–οΈ thlen dingmi an tam caah a si. Asinain a term 2nk peh loin 2020 ah a sung ttthan colhmi zong hi Pathian remruat thiam a si ko lai tiah ka zumh fawn.

Zeicatiah, Trump term chung ahhin China a tthang tuk. Racism a karh fawn. US bawmhnak ah aa hngatchanhmi mihar tampi harnak an tong. Abik in Foreign policy ah US dirhmun a tla tuk.

Trump nih National Security Advisor ah a rak thimmi John Bolton cauk, β€œThe Room Where it Happened” timi cauk ka relmi chung ah Trump cu, β€œYes Man” lawng nih an kulh a ti. Trump nih Secretary πŸ‘©β€πŸ’Ό of State ah a thim hmasami Rex Telson nih Trump cu, a secretaries pawl nih kan chuahpimi β€œMemo” pawl hi a rel huam lo” a ti. Trump hi Republican Party in President a tlingmi a si ko nain, GOP pawl nih Trump he riantuan an iharh ngai tiah bia a chuak pah lengmang. Cucaah, GOP top leaders 10 renglo nih 2020 election ah anmah party a silomi Joe Biden endorsed an tuahnak hi si dawh a si.

Election result ka zoh tikah Georgia πŸ‡¬πŸ‡ͺ ah Biden nih a tei. Georgia hi Khrifa, abik in Protestants an tamnak state a si. Cun, Arizona zong ahhin a tei rih. Arizona hi Red State ah an ruahmi a si ve rih. Ziah Republican ah an vote lo?

Cucaah, Trump nihhin Israel a dirhkamh ning le Christian value a dirhkamh ning ahcun Khrifa pawl an lung a tling ngai nain US Cozah i department 3 biapi ah Executive Department a hruaining hi Boss ttuan in a tuan tikah, a tei/chei hrimhrim lo tiah an ruah caah Khrifa tampi zong nih an dirhkamh ti lonak hi a si kho tiah ka ruah.

Trump hi a sungh aa fiang tuk cang ko nain ka sung a ti duh lo tikah, a mual a pho chin lengmang in ka hmuh. Amah a tangtu pawl zong bel-nang a neh viar hna ka ti. A press secretary πŸ‘©β€πŸ’Ό ( kayleigh mcenany) hi ka uar tukmi a si i, amah zong hi Trump dirhmun zoh chih in biachim a herh tikah, a credibility a thlak dih sual lai ka phang ngaingai. πŸ™‚ Hi vial si rih seh ! πŸ™‚

Zasang Cinzah

Be the first to comment

Leave a Reply

Your email address will not be published.


*