Zerhpi Nii Ah President Trump Nih Mi A Thah, Abu Bakr al-Baghdadi Le Midang An Thah Hna

Zerhpi Nii Ah US Nih Abu Bakr al-Baghdadi Le Midang A Thah Hna

========================================

ISIS ralhrang lutlai a si mi Abu Bakr al-Baghdadi cu US nih kan thah cang tiah President Trump nih thawng a thanh cang. An thah caan hi zerhpi nii zingka teah a si.US caan ahcun zerhte nii zaanlei 5:00pm a si nain Iraq ahcun zan tim 12:00am asi i Syria ram ahcun 2am hrawng asi caah zerhpi nii zingka ti khawh a si.

Baghdadi thah awk caah timh ciammam tein US ralkap thiamhlei minung 100 hrawng nih Helikopter 8 in an va zuan hnawh i Baghdadi thahnak ding kutka caah bomb an puah bak in Baghdadi cu vawlei tang khur chungah ngakchia pathum a fale zong aa hruai hna i amah tein bomb in aa puah hnawh ti a si. Bomb aa puah hnawh hlan ah aa hruai mi a fa le cu an tap chih len ko ti a si. Amah tein Bomb ai puah caah President Trump nihcun Uico thih in a thi,a ral a chia tuk amah tein ai that ko hen cu tiah a ti.

An thah mi ISIS ralhrang bawi pa Baghdadi cu Syria ram chaklei i kulh dihmi inn pakhat ah a chungkhar le amah a vengtu pawl he an um i vengtu ralkap nih an cawngh tiah theih a si. Amah thahnak ah US ralkap nih Uico fim zong a ken i pakhat cu aa hliam nain kan ralkap cu an him tiah President Trump nih a chim.

Thah an kal lio cu Live in fiang taktak in kan zoh i Bomb in ai puah hnawh mi Baghdadi zong amah a si ko timi an chim ve nain Tette pakhat hmanh langhternak US nih a tuah. A sinain tette lo thawngthanh cu Russia nih a zum ve lo.

President Thawngthanh lio